СИЁСАТ
Якшанбе 20 Сентябр 2020 06:28
7307
Дар ҳошияи сафарҳои хориҷии Президенти кишвар дар 7 соли охир

Ҷумҳурии Тоҷикистон ба шарофати сиёсати хирадмандонаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон тавонист, ки дар тӯли 7 соли охир на танҳо равобити судманде бо ҷаҳони хориҷ барқарор созад, балки бо пайдо намудани равиши хосси дипломатияи худ, ки бар ҳифзи манофеи миллӣ ва эҳтироми арзишҳои умумибашарӣ асос ёфтааст, ҳамчун як кишвари фаъол ва таъсиргузор дар ҳалли масоили глобалӣ шинохта шавад. Президенти Ҷумҳурии Тоҷикистон аз соли 2013 то ба имрӯз барои боз ҳам рушд додани муносибатҳои байналмилалӣ ба як қатор кишварҳои ҷаҳон сафар намуда, санадҳои муҳими байнидавлатиро ба имзо расонидааст, ки онҳоро пекаши хонандагон мегардонем.

ФЕДЕРАТСИЯИ РУСИЯ


Ҷумҳурии Тоҷикистон дар ин муддат тавонистааст, бо дигар кишварҳо равобити дӯстонаи худро мустаҳкам намояд. Ин буд, ки Президенти кишвар муҳтарам Эмомалӣ раҳмон санаи 6-уми февари соли 2014 ба Федератсияи Русия сафар намуда, бо Владимир Путин президенти ин кишвар мулоқот намуд. Дар ин мулоқоти дӯстона ҳамчунин ҳолати кунунӣ ва дурнамои муносиботи дӯстӣ ва ҳамкории судбахши Тоҷикистону Русия баррасӣ шуд. Сарони ду давлат ба натиҷаҳои ҷаласаи навбатии комиссияи байниҳукуматии ҳамкории иқтисодию тиҷоратӣ ва техникӣ, ки ба наздикӣ дар шаҳри Душанбе баргузор гардида буд, баҳои баланд доданд. Дар натиҷа, аз тасвиби созишномаҳои муҳими ҳамкорӣ дар соҳаҳои ҳарбӣ ва ҳарбию техникӣ, содироти маҳсулоти нафтии Русия ба Тоҷикистон бе ситонидани боҷи гумрукӣ ва сода гардондани шароити будубош ва фаъолияти шаҳрвандони ду кишвар дар қаламрави ҳамдигар сухан карданд.

Сарони ду давлат ҳавасмандии ҳарду ҷонибро ба густариши ҳамкории судбахш дар бахшҳои гуногуни сиёсат, амнияту мудофиа, иқтисоду тиҷорат, сармоягузорӣ, маориф, тандурустӣ, шуғли аҳолӣ, илму техника ва ғайра таъкид доштанд.

Пас аз анҷоми мулоқот дар ҳузури сарони давлатҳои Тоҷикистону Русия – Эмомалӣ Раҳмон ва Владимир Путин аз ҷониби вазирони корҳои хориҷии ду кишвар - Сироҷиддин Аслов ва Сергей Лавров протокол доир ба мубодилаи санадҳои тасвибии созишномаи байнидавлатӣ дар бораи шароит ва муҳлати будубоши пойгоҳи низомии Русия дар Тоҷикистон ба имзо расида буд. Тибқи ин созишнома муҳлати будубоши пойгоҳи низомии Русия дар Тоҷикистон то соли 2042 дароз карда шуд.

ҶУМҲУРИИ ИСЛОМИИ АФҒОНИСТОН

Худи ҳамин сол Президенти кишвар Эмомалӣ Раҳмон бо сафари расмӣ ва барои иштирок дар тантанаҳои ҷашни байналмилалии Наврӯз вориди кишвари Ҷумҳурии Исломии Афғонистон шуд. .

Дар ин сафар ҳарду ҷониб аз рушди босуръати ҳамкории энергетикӣ, зербиноӣ, иқтисодӣ ва тиҷоратӣ изҳори хушнудӣ карда, тақвияти ҳамгироиро ба татбиқи зудтару босифати барномаҳои калонмиқёси минтақавӣ мисли хатти бузурги интиқоли барқи CASA-1000 ва роҳи оҳани Тоҷикистон-Афғонистон-Туркманистон амри зарурӣ номиданд. Зимни ин сафар аз ҷумла санадҳои нави ҳамкории дуҷониба ба имзо расонида шуд:

Эъломияи муштараки Ҷумҳурии Тоҷикистон ва Ҷумҳурии Исломии Афғонистон дар бораи густариш ва тақвияти муносибатҳои дуҷониба;

Созишномаи ҳамкорӣ миёни Вазорати корҳои дохилии Тоҷикистон ва Вазорати умури дохилаи Афғонистон;

Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон оид ба ҳамкорӣ ва ёрии байниҳамдигарӣ дар фаолияти гумрукӣ;

Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон доир ба ҳавасмандгардонӣ ва ҳифзи мутақобилаи сармоягузорӣ;

Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Афғонистон дар соҳаи фарҳанг, ҳунар ва нашрияҳои савтӣ, тасвирӣ ва чопӣ;

Ёддошти тафоҳум миёни Кумитаи телевизион ва радиои назди Хукумати Ҷумҳурии Тоҷикистон ва Раёсати умумии радио ва телевизиони миллии Ҷумҳурии Исломии Афғонистон.

БЕЛАРУСИЯ

Сафари расмии Президенти кишвар ба Ҷумҳурии Беларусия, ки 24.05.2014 сурат гирифт, зимни мулоқот бо Президенти ин кишвар Александр Лукашенко як қатор сабукиҳоро барои некуаҳволии кишвар ба бор овард.

Зимни сафари мазкур 10 санади нави ҳамкорӣ миёни Тоҷикистону Белорусия ба имзо расид:

Аҳднома оид ба ҳамкорӣ миёни Донишгоҳи аграрии Тоҷикистон ба номи Шириншо Шотемур ва Донишгоҳи аграрии Гродно;

Аҳднома оид ба ҳамкорӣ миёни Кумитаи олимпии Ҷумҳурии Тоҷикистон ва Кумитаи олимпии Ҷумҳурии Беларусия;

Ёддошти тафоҳум дар бораи ҳамкорӣ миёни Вазорати саноат ва технологияи нави Ҷумҳурии Тоҷикистон ва Ширкати давлатии Беларусия оид ба истеҳсол ва фурӯши маҳсулоти саноати сабук “Беллегпром”;

Созишнома оид ба ҳамкорӣ миёни Кумитаи телевизион ва радиои назди Ҳукумати Ҷумҳурии Тоҷикистон ва Ширкати давлатии миллии телевизион ва радиои Ҷумҳурии Беларусия;

Созишнома миёни мақомоти иҷроияи ҳокимияти давлатии ноҳияи Ёвони вилояти Хатлони Ҷумҳурии Тоҷикистон ва ноҳияи Уздаи вилояти Мински Ҷумҳурии Беларусия;

Созишнома оид ба ҳамкории тиҷоратию иқтисодӣ, илмию техникӣ ва фарҳангӣ миёни Мақомоти иҷроияи ҳокимияти давлатии вилояти Суғди Ҷумҳурии Тоҷикистон ва Кумитаи иҷроияи вилояти Мински Ҷумҳурии Беларусия;

Созишнома оид ба ҳамкорӣ миёни шаҳри Хуҷанди Ҷумҳурии Тоҷикистон ва шаҳри Могилёви Ҷумҳурии Беларусия;

Нақшаи ҳамкорӣ миёни Вазорати корҳои ҳориҷии Ҷумҳурии Тоҷикистон ва Вазорати корҳои ҳориҷии Ҷумҳурии Беларусия барои солҳои 2014-2015;

Созишнома оид ба ҳамкорӣ миёни Кумитаи меъморӣ ва сохтмони назди Ҳукумати Ҷумҳурии Тоҷикистон ва Вазорати меъморӣ ва сохтмони Ҷумҳурии Беларусия;

Дар охир Изҳороти муштараки Президенти Ҷумҳурии Тоҷикистон ва Президенти Ҷумҳурии Беларусия аз ҷониби сарони ду давлат - Эмомалӣ Раҳмон ва Александр Лукашенко ба имзо расид.

МАЛАЙЗИЯ

Нахустин сафари давлатии Президенти Ҷумҳурии Тоҷикистон Эмомалӣ Раҳмон ба Малайзия субҳи 23.06.2014 сурат гирифт, ки дар он санадҳои муҳим дар соҳаҳои гуногуни иқтисодӣ, техникӣ, варзиш, сайёҳӣ ва ғайраҳо ба имзо расонида шуд, ки ба нахустин заминаи қарордодию ҳуқуқии ҳамкории Тоҷикистону Малайзия асос мегузоранд.

Нахуст зери Баёнияи муштарак миёни Ҷумҳурии Тоҷикистон ва Малайзия ба муносибати сафари давлатии Президенти Ҷумҳурии Тоҷикистон Сарвари давлати Тоҷикистон Эмомалӣ Раҳмон ва Сарвазири Малайзия Наҷиб Абдурраззоқ имзо гузоштанд.

Санадҳои дигари имзошуда:

Ёддошти тафоҳум миёни Ҳукумати Ҷумҳурии Тоҷикистон ва Ҳукумати Малайзия оид ба машваратҳои дуҷониба;

Созишнома миёни Ҳукумати Ҷумҳурии Тоҷикистон ва Ҳукумати Малайзия оид ба ҳамкории иқтисодӣ, техникӣ ва илмӣ;

Ёддошти тафоҳум миёни Ҳукумати Ҷумҳурии Тоҷикистон ва Ҳукумати Малайзия оид ба ҳамкорӣ дар соҳаи таҳсилоти олӣ;

Ёддошти тафоҳум миёни Ҳукумати Ҷумҳурии Тоҷикистон ва Ҳукумати Малайзия оид ба ҳамкорӣ дар соҳаи туризм;

Ёддошти тафоҳум миёни Ҳукумати Ҷумҳурии Тоҷикистон ва Ҳукумати Малайзия оид ба ҳамкорӣ дар соҳаи варзиш;

Ёддошти тафоҳум миёни Кумитаи миллии олимпии Ҷумҳурии Тоҷикистон ва Шӯрои олимпии Малайзия.

Сарвазири Малайзия Наҷиб Абдурраззоқ муносиботи Тоҷикистону Малайзияро дорои ояндаи умедбахш номида, аз ҷумла изҳор дошт, ки “Малайзия ба густариши ҳамаҷонибаи робитаҳои судбахш бо Тоҷикистон амиқан ҳавасманд аст”.

ТУРКМАНИСТОН

20.08.2015 сафари хориҷии худро Президенти Ҷумҳурии Тоҷикистон муҳтарам Эмомалӣ Раҳмон ба Туркманистон анҷом доданд. Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон Гурбонгулӣ Бердимуҳаммадов мулоқот намуда, аз густариши робитаҳои сиёсӣ, иқтисодию тиҷоратӣ, илмию маърифатӣ ва фарҳангӣ изҳори қаноатмандӣ намуданд.

Ду кишвари дӯст тасмим гирифтанд, ки ҳамгироии худро дар масоили таъмини амнияту суботи минтақавӣ, экология ва ҳифзи муҳити зист, истифодаи босамари захираҳои обию энергетикӣ ва пешгирӣ аз тағйирёбии иқлим густариш диҳанд.

Аз рӯи натиҷаҳои мулоқоти музокирот 5 санади нави ҳамкорӣ ба имзо расид:

- Ёддошти тафоҳум миёни Китобхонаи миллии Тоҷикистон ва Китобхонаи давлатии Маркази фарҳанги давлатии Вазорати фарҳанги Туркманистон дар соҳаи фаъолияти китобдорӣ;

- Созишномаи ҳамкорӣ миёни Кумитаи телевизион ва радиои назди Ҳукумати Ҷумҳурии Тоҷикистон ва Кумитаи давлатии телевизион, радио ва кинематографияи Туркманистон;

- Созишномаи ҳамкорӣ миёни вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Вазорати тандурустӣ ва саноати тиббии Туркманистон;

- Барномаи ҳамкорӣ миёни Вазорати корҳои хориҷии Тоҷикистон ва Вазорати корҳои хориҷии Туркманистон барои солҳои 2016-2017;

- Баёнияи муштараки Президенти Ҷумҳурии Тоҷикистон Эмомалӣ Раҳмон ва Президенти Туркманистон.

Бояд тазаккур дод, ки то кунун муносиботи ду кишварро беш аз 75 санади ҳамкорӣ танзим хоҳанд кард.

ПОКИСТОН

Сафари дигари расмии Президенти Ҷумҳурии Тоҷикистон Эмомалӣ Раҳмон санаи 12.11.2015 ба Ҷумҳурии Исломии Покистон буд, ки Сарвари давлатро Сарвазири Ҷумҳурии Исломии Покистон Муҳаммад Навоз Шариф пешвоз гирифт. Зимни музокироти расмии сатҳи олӣ бо иштироки ҳайатҳои васеи ду ҷониб масоили вобаста ба рушди минбаъдаи муносиботи дӯстӣ ва ҳамкории ду кишвар баррасӣ шуд. Таъкид гардид, ки дар давоми 23 соли муносиботи дипломатӣ то ба ҳол беш аз 40 санади дуҷониба дар соҳаҳои мухталиф ба имзо расидаанд.

Бо қаноатмандӣ зикр гардид, ки гардиши мол миёни Тоҷикистону Покистон аз 18 миллион доллар дар соли 1998 то 89 миллион доллар дар соли 2014 афзудааст.

Чунонки таъкид гардид, рушди ҳамкорӣ дар соҳаи энергетика масъалаи меҳварии робитаҳои иқтисодии Тоҷикистону Покистон аст.

Навоз Шариф бинобар норасоии зиёди неруи барқ дар Покистон ба тезондани корҳо барои кашидани хатти барқии CASA-1000 мароқи зиёд зоҳир намуд.

Пас аз анҷоми мулоқоту музокироти расмӣ 8 санади нав ба имзо расид, ки заминаи қарордодию ҳуқуқии ҳамкории Тоҷикистону Покистонро тақвият мебахшанд.

Нахуст зери Баёнияи муштарак оид ба натиҷаҳои сафари давлатии Президенти Ҷумҳурии Тоҷикистон Эмомалӣ Раҳмон ба Ҷумҳурии Исломии Покистон Сарвари давлати Тоҷикистон Эмомалӣ Раҳмон ва Сарвазири Ҷумҳурии Исломии Покистон Муҳаммад Навоз Шариф имзо гузоштанд.

Санадҳои дигари имзошуда:

- Ёддошти тафоҳуми ҳамкорӣ миёни Вазорати корҳои хориҷии Ҷумҳурии Тоҷикистон ва Вазорати корҳои хориҷии Ҷумҳурии Исломии Покистон;

- Созишномаи миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон оид ба истирдод;

- Созишнома миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон оид ба ҳамкорӣ дар соҳаи энергетика;

- Ёддошти тафоҳум оид ба густариши ҳамкорӣ дар соҳаи саноат миёни Ҳукумати Ҷумҳурии Тоҷикистон ва Ҳукумати Ҷумҳурии Исломии Покистон;

- Созишнома оид ба таъсиси Шӯрои муштараки соҳибкорон миёни Палатаи савдо ва саноати Ҷумҳурии Тоҷикистон ва Федератсияи палатаи тиҷорат ва саноати Покистон;

- Барномаи ҳамкорӣ миёни Академияи илмҳои Ҷумҳурии Тоҷикистон ва Шӯрои тадқиқотии илмӣ ва саноатии Вазорати илм ва технологияи Ҷумҳурии Исломии Покистон оид ба истифодабарии растаниҳои таҳҷоӣ ва ғайритаҳҷоии давоӣ барои тайёр намудани доруҳои гиёҳӣ;

- Барномаи ҳамкории илмӣ миёни Институти геология, сохтмони ба заминҷунбӣ тобовар ва сейсмологияи Академияи илмҳои Ҷумҳурии Тоҷикистон ва Осорхонаи таърихи табиати Покистон.

(Давом дорад)

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.