Имрӯз - 4 июл дар Қасри истиқлоли шаҳри Остонаи Қазоқистон ҷаласаи 24-уми Шурои сарони кишварҳои узви Созмони ҳамкории Шанхай (СҲШ) шуруъ гардид.

Дар ин ҷаласа сарони давлат ва ҳукуматҳои Қазоқистон, Ҳиндустон, Эрон, Чин, Қирғизистон, Покистон, Русия, Тоҷикистон, Узбекистон, Беларус, Муғулистон, Озарбойҷон, Қатар, Амороти Муттаҳидаи Араб, Туркия, Туркманистон, ҳамчунин Дабири кулли СҲШ ва директори иҷроияи сохторҳои минтақавии зиддитеррористии СҲШ иштирок доранд.

Лозим ба зикр аст, ки дирӯз - 3 июл Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар вохӯрии сарони давлатҳои аъзои Созмони ҳамкории Шанхай ба шаҳри Остонаи Ҷумҳурии Қазоқистон сафар карданд.

Ҳамчунин дар ҳошияи ҷаласаи мазкур муҳтарам Эмомалӣ Раҳмон бо Президенти Ҷумҳурии Қазоқистон муҳтарам Қосим-Жомарт Токаев вохӯрӣ намуда, ҷанбаҳои мухталифи ҳамкориҳои дуҷонибаи Тоҷикистону Қазоқистон, масъалаҳои рӯзномаи ҷаласаи навбатии Созмони Ҳамкории Шанхай ва мавзуоти алоҳидаи минтақавию байналмилалиро баррасӣ намуданд.

Гулафшон КАРИМОВА,“ҶТ”