СИЁСАТ
Якшанбе 25 Сентябр 2022 06:58
991
Имрӯз, 14 июн, дар Маркази тадқиқоти стратегии назди Президенти Ҷумҳурии Тоҷикистон, конфронси ҷумҳуриявии илмию амалӣ таҳти унвони “Омилҳои асосии таҳкими Ваҳдати миллӣ дар шароити муосир: вазъ ва дурнамо” ба ифтихори 19-солагии Рӯзи Ваҳдати миллӣ баргузор гардид. 

Зикр шуд, ки ҳадаф аз баргузории конфронси мазкур таҳлили ваҳдати миллӣ дар Тоҷикистон, дурнамо, мушкилиҳову хатарҳои таҳдид ба он, инчунин, ҳамдигарфаҳмӣ ва суботи сиёсӣ, ки имрӯз дар ҷумҳурии мо побарҷо аст ва онро чӣ гуна нигоҳ дорем, мебошад.

Муҳаммадшариф Бобошоҳзода, намояндаи Дастгоҳи иҷроияи Президенти Ҷумҳурии Тоҷикистон иброз дошт: “Ваҳдати миллӣ ҳамчун қувваи тавонои созанда, муҳимтарин дастоварди таърихи муосири халқи тоҷик, омили наҷоти миллат, давлатдории миллии он мебошад. Дар натиҷаи сулҳу ваҳдат, давлати мо ҳифз гашт, аз вартаи нобудӣ наҷот ёфт. Сокинони кишвар ба зиндагии осоишта расида, сохтори давлатӣ шакли комили худро гирифт. Бо шарофати Ваҳдати миллӣ имрӯз ғояи муқаддаси истиқлолу соҳибихтиёрӣ ҳамчун ҷузъи таркибии хиради сулҳҷӯёнаву таҳаммулгаронаи мардуми мамлакат, ибтидои марҳилаи эъмори давлатдории навин ва пешрафти ҳаёти сиёсиву иқтисодӣ ва иҷтимоии давлат пазируфта шудааст. Ба даст омадани ваҳдати миллӣ ва сулҳу суботи комил дар сарзамини куҳанбунёди мо бузургтарин ва арзишмандтарин дастовард дар таърихи мавҷудияти давлатдории миллати тоҷик маҳсуб ёфтааст. Заррурату аҳамияти ҳифзи таҳкими онро ҳамчун рукни муҳими мутаҳҳидсозандаи миллат ҳамеша тарғибу ташвиқ намоем ва нагузорем, ки андешаҳои бегонапарстӣ, ифротгароиву террористӣ ба тафаккури мардуми мамлакат, бахусус, ҷавонон таъсири манфӣ расонад. Мо бояд дар назар дошта бошем, ки Ваҳдати миллӣ ҳеҷ гоҳ масълаи сиёсии як гурӯҳ ё ҳизб набуда, балки ифодаи талабот ва ниёзҳои ҳамаи табақаҳои ҷомеа, сарфи назар аз эътиқодоти динӣ, масъулияти миллӣ ва ҳизбӣ мебошад. Таҳкими давлату сулҳу суботи ҷомеаи Тоҷикистон маҳз ба Ваҳдати миллӣ вобастагӣ дорад. Таҷриба нишон медиҳад, ки танҳо сулҳ ва ризоияти миллӣ имкон фароҳам меорад, ки барои аз бӯҳрони иқтисодӣ раҳо ёфтани ҷомеа, таъмини рушди соҳаҳои гуногун, гузаронидани ислоҳоти иқтисодӣ ба талаботи меъёрҳои замонавӣ мувофиқ мебошад”.

Худобердӣ Холиқназар, директори Маркази тадқиқоти стратегӣ зикр намуд, ки Ваҳдати миллӣ рукни асосии устувории ҳар як кишвари ҷаҳон аст. Барои тоҷикон Ваҳдати миллӣ асоси бозсозии кишвар, рушди иқтисодӣ, таъмини суботи сиёсӣ мебошад. 

Профессор Абдунабӣ Сатторзода дар мавзӯи «Роҳҳои тақвияти Ваҳдати миллӣ - асоси ояндаи суботи сиёсии Ҷумҳурии Тоҷикистон» маърӯза карда, иброз дошт, ки солҳои 90-ум, вақте музокироти сулҳ шуруъ шуд, ҳамаи мо ба як кор машғул будем: барқарор кардани Ваҳдати миллӣ. Баъд аз даёфти сулҳу оштӣ ва имзои созишномаи умумии истиқрори сулҳ ва ризоияти миллӣ дар Тоҷикистон мо ба мустаҳкам кардани Ваҳдати миллӣ машғул шудем ва ин соли 19-ум аст, ки ба ҳамин кор машғул ҳастем. Дар ин замина дастовардҳои хеле назаррас дорем. 

Ваҳдати миллӣ ҳамон вақт устувор мегардад, ки он ба фарҳанги устувори ҷомеа табдил ёбад. Мутаассифона ҳанӯз Ваҳдати миллии мо ба фарҳанги устувор, рӯзмарраи ҷомеа табдил наёфтааст.



Сипас, Бахтовар Сафаров, вакили Маҷлиси намояндагони Маҷлиси Олӣ, Мирзошоҳрух Асрорӣ, муовини раиси Ҳаракати Ваҳдати миллӣ ва эҳёи Тоҷикистон, Файзулло Баротзода, директори Маркази исломшиносии назди Президент, Низомиддин Зоҳидӣ, муовини якуми вазири корҳои хориҷӣ, Умед Давлатзода, муовини вазири рушди иқтисод ва савдо, Абдулло Раҳнамо, сардори Раёсати таҳлил ва ояндабинии сиёсати хориҷии Маркази тадқиқоти стратегӣ ва дигар коршиносону донишмандон фикру андешаашонро дар мавриди таҳкими Ваҳдати миллӣ баён доштанд.

Қобили қайд аст, ки имзои созишномаи истиқрори сулҳ  19 сол пеш ба ҷанги панҷсолаи харобиовари дохилӣ дар Тоҷикистон хотима дод, ки бино ба омори тахминӣ дар натиҷаи он беш аз 100 ҳазор кас ҳалок ва ҳудуди 7 миллиард доллари ИМА хисорот ворид шудааст.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Сентябр 2022 c.