ҶОМЕА
Ҷумъа 22 Октябр 2021 04:03
8300
Имрӯз дар факултети журналистикаи Донишгоҳи миллии Тоҷикистон вохӯрии ҳайати эҷодии рӯзномаи “Ҷавонони Тоҷикистон” бо устодону донишҷӯёни факултети мазкур доир гардид.

Дар мулоқот Бахтиёр Қутбиддин, декани факултети журналистикаи ДМТ, Қироншоҳ Шарифзода, устоди факултети журналистика, Шодихони Назар, сармуҳаррири рӯзномаи “Ҷавонони Тоҷикистон” ва кормандони дигари рӯзномаи “Ҷавонони Тоҷикистон” Хуршед Шарипов, Беҳрӯз Холмуродов, Нуруллоҳи Ориф, Фарзонаи Умаралӣ, Шаҳло Эшонова, Наҷиба Муродбекова, Хайём Гадоев ва Толиб Фозилов иштироку суханронӣ намуданд.

Бахтиёр Қутбиддин, декани факултети журналистикаи ДМТ мулоқотро ифтитоҳ бахшида, доир ба рӯзномаи мазкур иброз дошт, ки “ин даргоҳ ошёни парвози қаламкашони ҷавон буду ҳасту мемонад. Миннатпазирем аз аҳли эҷоди рӯзнома, ки ба донишҷӯён аз таҷрибаву майдони амалия беҳтарин гуфтаҳоро иброз доштанд. Мамнунем, ки онҳо имрӯз шавқи шогирдони моро ба эҷод бедор мекунанд”.

Сипас, Шодихони Назар, сармуҳаррири рӯзномаи “Ҷавонони Тоҷикистон” баромад карда, доир ба таърихи 91 солаи рӯзнома, нақши он дар рушди матбуоти тоҷик ва ҷалби навқаламон ба нашрия ибрози назар намуд.

Зимни баромадҳои иштирокчиёни дигар таъкид гардид, ки рӯзномаи “Ҷавонони Тоҷикистон” мактаби бузургпарвар ва минбари ягонаи ҷавонони кишвар ба ҳисоб меравад. Он дар тӯли таърихи 91 солаи хеш рисолаташро бе чуну чаро иҷро намуда, то имрӯз барои суботи ҷомеаи Тоҷикистону баланд бардоштани сатҳи маърифатнокии миллати тоҷик хизматҳои шоёне кардааст. Дар баробари ин рӯзнома барои навқаламони ҷавон мактаби бузурги омӯзандааст.

2.JPG

Дар идомаи мулоқот миёни ҳайати эҷодии рӯзномаи “Ҷавонони Тоҷикистон” ва донишҷӯёни факултети журналистика суолу ҷавоб сурат гирифт. Аз донишҷӯён даъват ба амал оварда шуд, ки ҷиҳати ворид гардидан ба роҳи журналистика ва дар амал татбиқ намудани донишҳои назариявии хеш бо рӯзномаи мазкур ҳамкорӣ намоянд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.