Дирӯз-19 январ маросими пешвозгирии иштирокдорон ва ғолибони Олимпиадаи байналмилалии Жаутиков баргузор шуд, ки дар он ҳайати кормандони Маркази ҷумҳуриявии дарёфт ва рушди истеъдодҳо, омӯзгорон, хонандагон ва падару модарони онҳо ширкат доштанд.

Дар ин хусус саҳифаи фейсбукии Маркази ҷумҳуриявии дарёфт ва рушди истеъдодҳо хабар медиҳад.

Гуфта мешавад, ки дар олимпиадаи мазкур аз Тоҷикистон 4 даста бо фарогирии 28 нафар хонанда иштирок намуда, хонандагони тоҷик сазовори 2 медали нуқра ва 5 медали биринҷӣ гардиданд.

Ёдовар мешавем, ки Олимпиадаи байналмилалии Жаутиков аз 13 то 17 январ дар шаҳри Остонаи Қазоқистон аз рӯйи фанҳои математика, физика ва технологияи иттилоотӣ миёни 15 кишвар баргузор шуда буд.

Гулафшон КАРИМОВА,“ҶТ”