Шумораи ҷавонони то 35-сола дар хизмати давлатӣ 9095 нафар (47,3 фоиз) ва дар мансабҳои роҳбарикунанда 1441 нафар (25,2 фоиз)-ро ташкил медиҳад.

Дар ин бора директори Агентии хизмати давлатии назди Президенти Ҷумҳурии Тоҷикистон Ҷумъа Давлатов 18 феврал зимни нишасти матбуотӣ иттилоъ дода, илова намуд, ҷавононе, ки дар хизмати давлатӣ адои вазифа кардаистодаанд, дар соли 2020 ба бемории сироятии COVID-19 нигоҳ накарда, фаъолияти хуб нишон доданд.

Ҳамзамон гуфта шуд, ки Агентии хизмати давлатӣ оид ба масъалаҳои ҷалби занон ба хизмати давлатӣ, мусоидат ба фарогирии бештари бонувон ба хизмати давлатӣ ва мансабҳои роҳбарикунандаи он мунтазам тадбирҳои мушаххас меандешад. Теъдоди занҳо дар хизмати давлатӣ 4485 нафарро ташкил медиҳад. Аз натиҷаҳо бармеояд, ки шумораи занони роҳбар нисбати соли гузашта 51 нафар зиёд шудааст.