Ба иттилои муовини аввали директори Агентии суғуртаи иҷтимоӣ ва нафақаи назди Ҳукумати ҷумҳурӣ Назокат Одинаева дар шаҳру ноҳияҳои кишвар дар соли қаблӣ дар асоси Қонуни Ҷумҳурии Тоҷикистон “Дар бораи нафақаҳои суғуртавӣ ва давлатӣ” ба 53765 нафар нафақа таъин карда шудааст, ки аз ин 36317 нафақаҳои суғуртавӣ ва 17448 нафақаҳои иҷтимоӣ мебошанд.

- Дар маҷмӯъ, -иброз дошт муовини директор, - теъдоди умумии нафақагирон дар ҷумҳурӣ ба ҳолати 1 январи соли 2018 665078 наварро ташкил намуд, ки нисбати соли қабли 22137 нафар ё 3,4 фоиз афзоиш ёфтааст.

Ба гуфтаи Назокат Одинаева тибқи қонунгузорӣ дар Тоҷикистон андозаи максималӣ барои нафақа муайян нашудааст. Ҳисоби миёнаи нафақа бошад 270, 60 сомониро ташкил медиҳад. Нафароне, ки ҷое кор накардаанду дафтарчаи меҳнатӣ надоранд, 93 сомонӣ нафақа мегиранд.