ҶОМЕА
Ҷумъа 22 Октябр 2021 02:07
8204
Вобаста ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷихати омодагии ҳамаҷониба ба ҷашни 30 – солагии Истиқлол дар ноҳияи Рӯшон аз рӯи 82 банди нақшаи чорабиниҳои 30 – солагӣ, бунёди 142 иншоот ба нақша гирифта шудааст, ки 123 адади онҳо пурра бунёд гашта, сохтмони 11 иншооти дигар дар арафаи анҷомёбӣ қарор дорад, - зикр гардид, дар нишасти матбуотии раиси ноҳияи Рӯшон Додихудо Фаррух Муборакшо.

Таъкид гардид, ки маблағи умумии лоиҳаҳои сохтмонӣ, ки бо дастгирии вазорату идораҳо, кумитаву агентиҳо ва дигар идораҳои дахлдор бунёд мегарданд, 129 миллион сомониро ташкил медиҳад. Ғайр аз ин, берун аз нақшаи 30 – солагӣ дар ноҳия 69 лоиҳаи сохтмонӣ амалӣ шуданд. Ҳаҷми истеҳсоли мол ва хизматрасонии ноҳия ба 21 миллиону 350 ҳазор сомонӣ расида, маҷмӯи истеҳсолоти кишоварзӣ бошад, 14 миллиону 800 ҳазор сомониро ташкил мекунад.

- Дар ду соли охир майдони боғҳои мевадиҳанда ҳам васеъ гардида, барои таъмини аҳолӣ бо сабзавоти тару тоза дар тамоми фаслҳои сол, майдони гармхонаҳо ба 7200 метри мураббаъ расонида шуд, ки дар муқоиса ба ҳамин давраи соли гузашта чор маротиба зиёд мебошад, - гуфт раиси ноҳия.

Дар идома гуфта шуд, ки вобаста ба барқарор намудани хисорот бар асари фуромадани сел, ки чанде пеш дар деҳаи Шуҷанди ноҳия ба вуқӯъ пайваст, 300 метри роҳи мошингарди аҳамияти ҷумҳуриявидошта, 100 метр канали неругоҳи барқии обии “Шуҷанд” воқеан хароб шуданд. Инчунин, зиёда аз 7 гектар киштзор зери сангу шағал монда, атрофу дохили ҳафт манзили истиқоматӣ аз лой пур гардид. Баҳри барқарор намудани хисорот ситоди фаврии ноҳиявӣ ташкил гашта, бо дастгирии мақомоти иҷроияи ҳокимияти давлатии вилоят, идораву муассисаҳои ноҳиявӣ, ризокорон ва худи сокинони маҳал дар муддати се рӯз роҳу канали харобгашта барқарору манзили сокинон аз сангу лой тоза гардиданд. Феълан панҷ адад техника ба тоза намудани заминҳои зери сангу лоймонда ҷалб гашта, оилаҳое, ки манзилҳояшон қисман хароб гардиданд, аз тарафи мақомоти иҷроияи ҳокимияти давлатии ноҳия ва дигар идораҳои марбута дастгирӣ хоҳанд шуд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.