ҶОМЕА
Сешанбе 10 Феврал 2026 05:19
Фаъолияти соҳаи варзиш ва ҷавонон дар Хатлон
Сиёсати давлатии ҷавонон ва варзиш ҳамчун яке аз самтҳои асосӣ ҳамеша дар маркази таваҷҷуҳи давлату Ҳукумати кишвар қарор дорад. Имрӯз ҷалби ҷавонон ба ҳаёти ҷамъиятӣ, густариши ҳаракати волонтёрӣ, рушди варзиши оммавӣ ва дастгирии варзиши касбӣ аз ҷумлаи афзалиятҳое мебошанд, ки дар фаъолияти Раёсати кор бо ҷавонон ва варзиши вилояти Хатлон ҷойгоҳи махсус доранд.
Ба иттилои Рамазон Насриддинзода, сардори Раёсати кор бо ҷавонон ва варзиши вилояти Хатлон маҳз бо дастгирӣ ва таваҷҷуҳи пайвастаи Сарвари давлат соҳаи кор бо ҷавонон ва варзиш дар вилояти Хатлон рушд карда, барои татбиқи сиёсати давлатии ҷавонон ва рушди варзиши касбӣ заминаи мусоид фароҳам оварда шудааст.
ҲАДАФҲО
Ба гуфтаи сардори Раёсат, соли 2025 барои кормандони соҳаи кор бо ҷавонон ва варзиши вилояти Хатлон давраи пурмаҳсул ва ҳамзамон пур аз чолишҳо буд, вале бо вуҷуди ин натиҷаҳо назаррас буданд.
- Бо вуҷуди мушкилот, натиҷаҳои назаррас ба даст омаданд, ки ҳамагӣ натиҷаи заҳмату талош, роҳнамоӣ, тавсияҳои муфид ва дастгириҳои пайвастаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва роҳбарияти мақомоти иҷроияи ҳокимияти давлатии вилояти Хатлон мебошад, - гуфт ӯ.
Ҳамзамон зикр гардид, ки маҳз таваҷҷуҳи доимии Роҳбари давлат боис гардид, ки сиёсати давлатии ҷавонон ва рушди варзиш ҳамчун самтҳои афзалиятноки сиёсати иҷтимоии кишвар татбиқ мегардад.
Ӯ гуфт: “Тибқи маълумоти оморӣ, 29 фоизи аҳолии вилоятро ҷавонони то синни 30-сола ташкил менамояд, ки ин теъдод масъулияти мо кормандони мақомоти соҳавиро дар самти тарбияи насли солим, ватандӯст ва фаъоли ҷомеа боз ҳам зиёд менамояд. Дар ҷамъбасти солонаи вилоят қайд карда шуд, ки соли 2025 барои ҷавонони саодатманди вилоят соли бобарор ва дастовардҳои намоёни варзишӣ буд, зеро дар ҳамаи самтҳо иштироки ҷавонон ва пешоҳангии онҳо бараъло эҳсос гардид”.
Ба гуфтаи сардори Раёсат, фаъолияти ҷавонон ва рушди варзиш дар вилояти Хатлон дар соли 2025 ба марҳилаи нави сифатӣ ворид гардид.
Гуфта шуд, ки дар ин давра Раёсат ва сохторҳои маҳаллӣ аз рӯи 10 самти афзалиятнок амалӣ ва назариявӣ чорабиниҳоро роҳандозӣ карда, дар самти пешгирии амалҳои номатлуб, ифротгароиву тақлидкорӣ, ҷинояту ҷинояткорӣ, баланд бардоштани ҳуввияти миллӣ, худшиносиву худогоҳӣ, ҳисси ифтихори ватандорӣ, пешгирӣ аз бекоршавии ақди никоҳ, ҷалби ҷавонон ба омӯзиши илмҳо ва курсҳои кӯтоҳмуддат тадбирҳои судмандро ташкилу баргузор намуданд.
ФАЪОЛИЯТИ ВОЛОНТЁРӢ
Тибқи маълумоти расмӣ, танҳо дар самти волонтёрӣ беш аз се ҳазор ҷавон ҷалб гардида, даҳҳо ҳазор сокинон аз чорабиниҳои иҷтимоӣ, фарҳангӣ ва варзишӣ бархӯрдор гаридаанд. Рамазон Насриддинзода, сардори Раёсати кор бо ҷавонон ва варзиши вилоят натиҷаҳои бадастомадаро натиҷаи сиёсати пешгирифтаи давлату Ҳукумати кишвар арзёбӣ намуда, зикр кард, ки имрӯз ҳаракати волонтёрӣ ба яке аз механизмҳои муҳими кор бо ҷавонон табдил ёфтааст.
“Айни ҳол шумораи волонтёрон дар назди Раёсат ва бахшҳои кор бо ҷавонон ва варзиши шаҳру ноҳияҳо 3400 нафарро ташкил намуда, дар ин муддат дар ҳамбастагӣ 750 чорабинии фарҳангӣ - фароғатӣ, варзишӣ - солимгардонӣ, хонишҳои сиёсӣ, суҳбату вохӯриҳо баргузор намуда, бо усули “Хона ба хона” ва “Ҳамсол ба ҳамсол” бо ҷавонон ҳамсуҳбат гардидаанд, ки дар ин тадбирҳо 70 ҳазору 844 нафар фаро гирифта шуд”, - баён дошт сардори Раёсат.
Ӯ ин оморҳоро нишонаи фаъолии ҷавонон арзёбӣ намуда, ба он ишора намуд, ки ҷавонон дар ҳаллу фасли масъалаҳои иҷтимоӣ фаъолона ширкат менамоянд.
“Мо аз усулҳои “Хона ба хона” ва “Ҳамсол ба ҳамсол” васеъ истифода мебарем. Ин шакли кор имкон медиҳад, ки бо ҳар як ҷавон мустақим суҳбатҳо гузаронида шавад, мушкилоташ шунида ва роҳҳои ҳалли он пешниҳод гардад”, - гуфт сардори Раёсат ва афзуд, ки чунин корҳо дар таҳкими ҷаҳонбинии шаҳрвандӣ ва пешгирии зуҳуроти номатлуб нақши муҳим доранд.
Гуфта шуд, ки яке аз рӯйдодҳои муҳим дар самти дастгирии ҷавонони фаъол ҷамъбасти даври ҷумҳуриявии озмуни “Волонтёри сол – 2025” буд. Ба иттилои Раёсат, волонтёрони вилояти Хатлон дар ин озмун мавқеи намоён касб намуданд.
“Лозим ба ёдоварист, ки даври ҷумҳуриявии озмуни “Волонтёри сол - 2025”, ки бо ташаббуси Кумита ҷамъбаст гардид, Юсуфзода Райҳона волонтёр аз ноҳияи Ҷ.Балхӣ мақоми якум, Ятимов Билол волонтёри шаҳри Кӯлоб зиннаи дуюм, Наимова Меҳрона волонтёри назди бахши кор бо ҷавонон ва варзиши ноҳияи Панҷ ҷойи сеюмро касб карданд, ки ин нишонаи фаъолияти пурсамар, саҳми назаррас дар татбиқи барномаҳои иҷтимоӣ, амалҳои некӯкорона, роҳандозии ташаббусҳои ҷавонон мебошад”, - зикр кард номбурда.
Давоми соли равон аз ҷониби Раёсат ва сохторҳои маҳаллӣ, дар маҷмуъ, вобаста ба масъалаҳои болозикр 29 ҳазору 709 чорабинии фарҳангӣ - фароғатӣ, варзишӣ - солимгардонӣ, хонишҳои сиёсӣ, суҳбату вохӯриҳо, курсҳои омӯзишӣ, семинар, тренингҳои омӯзишӣ, аксияву ҳамоишҳо, чорабиниҳои ҳарбӣ – варзишӣ ва хонишҳои сиёсӣ баргузор карда шуд.
Ҳамзамон, дар ин самт мусобиқаҳои деҳа ба деҳа, маҳалла ба маҳалла, ташкилоту муассисаҳо ва дигар номгӯи чорабиниҳо баргузор гардидааст, ки нисбати ҳамин давраи соли 2024, 2 ҳазору 579 чорабинӣ зиёд мебошад. Фарогирӣ дар ин самт 996 ҳазору 543 нафар наврасону ҷавонон ва дигар қишри ҷомеаро дар бар мегирад, ки нисбати соли 2024, 20 ҳазору 520 нафар зиёд мебошад.
ТАВАҶҶУҲ БА СОҲАИ ВАРЗИШ
Дар ҷамъбасти солонаи Раёсати кор бо ҷавонон ва варзиши вилояти Хатлон гуфта шуд, ки соҳаи варзиш низ дар маркази таваҷҷуҳи мақомоти вилоят қарор дорад.
Ба гуфтаи сардори Раёсат, фаъолияти сохторҳои варзишӣ пеш аз ҳама ба рушди варзиши оммавӣ, дастгирии варзиши касбӣ ва омодасозии варзишгарон ба мусобиқаҳои сатҳи баланд равона шудааст. Айни ҳол дар вилояти Хатлон 39 муассисаи варзишӣ фаъолият доранд, ки барои ҷалби наврасону ҷавонон ба тарзи ҳаёти солим заминаи мусоид фароҳам меоранд.
Яке аз иқдомҳои муҳим таъсиси 7 мактаби варзишии махсуси футбол дар соли 2025 мебошад, ки аз оғози соли 2026 фаъолияти худро шуруъ намуданд. “Ин мактабҳо дар шаҳру ноҳияҳои Норак, Ҷалолиддини Балхӣ, Дӯстӣ, Панҷ, Восеъ, Фархор ва Шаҳритус таъсис ёфта, барои рушди футбол ва омодасозии истеъдодҳои ҷавон имкониятҳои нав фароҳам оварданд”, - гуфт сардори Раёсат.
Зикр гардид, ки дастовардҳои варзишгарони вилоят низ нишон медиҳанд, ки сиёсати пешгирифта натиҷаҳои самаранок медиҳад. Аз ҷумла, варзишгарони вилояти Хатлон дар 162 мусобиқа ва чемпионати ҷумҳуриявӣ иштирок намуда, 3 ҳазору 479 медал ба даст оварданд. Илова бар ин, дар натиҷаи иштироки фаъол дар 35 мусобиқаи байналмилалӣ ба хазинаи вилоят 227 медал ворид шудааст.
Дар маҷмӯъ, варзишгарони вилоят аз 197 мусобиқа ва чемпионати ҷумҳуриявию байналмилалӣ 3706 медал ба даст оварданд, ки нисбат ба соли гузашта 41 медал зиёд аст. “Ин рақамҳо нишон медиҳанд, ки варзиш дар вилоят рӯ ба рушд аст”, - хулоса кард сардори Раёсат.
Ба гуфтаи ӯ, дар давраи минбаъда Раёсати кор бо ҷавонон ва варзиши вилояти Хатлон фаъолияти худро ба татбиқи самараноки сиёсати давлатӣ, иҷрои сифатноки барномаҳои соҳавӣ ва таҳкими ҳамкориҳо равона хоҳад кард.
“Натиҷаҳои ҷаласаи Кумита ва имрӯза барои мо дастури амал буда, итминон дорем, ки бо роҳнамоии Пешвои миллат ва дастурҳои Мақомоти иҷроияи ҳокимияти давлатии вилояти Хатлон соҳа боз ҳам пеш меравад”, - гуфт ӯ.
Фарзонаи УМАРАЛӢ, “ҶТ”
Сиёсати давлатии ҷавонон ва варзиш ҳамчун яке аз самтҳои асосӣ ҳамеша дар маркази таваҷҷуҳи давлату Ҳукумати кишвар қарор дорад. Имрӯз ҷалби ҷавонон ба ҳаёти ҷамъиятӣ, густариши ҳаракати волонтёрӣ, рушди варзиши оммавӣ ва дастгирии варзиши касбӣ аз ҷумлаи афзалиятҳое мебошанд, ки дар фаъолияти Раёсати кор бо ҷавонон ва варзиши вилояти Хатлон ҷойгоҳи махсус доранд.
Ба иттилои Рамазон Насриддинзода, сардори Раёсати кор бо ҷавонон ва варзиши вилояти Хатлон маҳз бо дастгирӣ ва таваҷҷуҳи пайвастаи Сарвари давлат соҳаи кор бо ҷавонон ва варзиш дар вилояти Хатлон рушд карда, барои татбиқи сиёсати давлатии ҷавонон ва рушди варзиши касбӣ заминаи мусоид фароҳам оварда шудааст.
ҲАДАФҲО
Ба гуфтаи сардори Раёсат, соли 2025 барои кормандони соҳаи кор бо ҷавонон ва варзиши вилояти Хатлон давраи пурмаҳсул ва ҳамзамон пур аз чолишҳо буд, вале бо вуҷуди ин натиҷаҳо назаррас буданд.
- Бо вуҷуди мушкилот, натиҷаҳои назаррас ба даст омаданд, ки ҳамагӣ натиҷаи заҳмату талош, роҳнамоӣ, тавсияҳои муфид ва дастгириҳои пайвастаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва роҳбарияти мақомоти иҷроияи ҳокимияти давлатии вилояти Хатлон мебошад, - гуфт ӯ.
Ҳамзамон зикр гардид, ки маҳз таваҷҷуҳи доимии Роҳбари давлат боис гардид, ки сиёсати давлатии ҷавонон ва рушди варзиш ҳамчун самтҳои афзалиятноки сиёсати иҷтимоии кишвар татбиқ мегардад.
Ӯ гуфт: “Тибқи маълумоти оморӣ, 29 фоизи аҳолии вилоятро ҷавонони то синни 30-сола ташкил менамояд, ки ин теъдод масъулияти мо кормандони мақомоти соҳавиро дар самти тарбияи насли солим, ватандӯст ва фаъоли ҷомеа боз ҳам зиёд менамояд. Дар ҷамъбасти солонаи вилоят қайд карда шуд, ки соли 2025 барои ҷавонони саодатманди вилоят соли бобарор ва дастовардҳои намоёни варзишӣ буд, зеро дар ҳамаи самтҳо иштироки ҷавонон ва пешоҳангии онҳо бараъло эҳсос гардид”.
Ба гуфтаи сардори Раёсат, фаъолияти ҷавонон ва рушди варзиш дар вилояти Хатлон дар соли 2025 ба марҳилаи нави сифатӣ ворид гардид.
Гуфта шуд, ки дар ин давра Раёсат ва сохторҳои маҳаллӣ аз рӯи 10 самти афзалиятнок амалӣ ва назариявӣ чорабиниҳоро роҳандозӣ карда, дар самти пешгирии амалҳои номатлуб, ифротгароиву тақлидкорӣ, ҷинояту ҷинояткорӣ, баланд бардоштани ҳуввияти миллӣ, худшиносиву худогоҳӣ, ҳисси ифтихори ватандорӣ, пешгирӣ аз бекоршавии ақди никоҳ, ҷалби ҷавонон ба омӯзиши илмҳо ва курсҳои кӯтоҳмуддат тадбирҳои судмандро ташкилу баргузор намуданд.
ФАЪОЛИЯТИ ВОЛОНТЁРӢ
Тибқи маълумоти расмӣ, танҳо дар самти волонтёрӣ беш аз се ҳазор ҷавон ҷалб гардида, даҳҳо ҳазор сокинон аз чорабиниҳои иҷтимоӣ, фарҳангӣ ва варзишӣ бархӯрдор гаридаанд. Рамазон Насриддинзода, сардори Раёсати кор бо ҷавонон ва варзиши вилоят натиҷаҳои бадастомадаро натиҷаи сиёсати пешгирифтаи давлату Ҳукумати кишвар арзёбӣ намуда, зикр кард, ки имрӯз ҳаракати волонтёрӣ ба яке аз механизмҳои муҳими кор бо ҷавонон табдил ёфтааст.
“Айни ҳол шумораи волонтёрон дар назди Раёсат ва бахшҳои кор бо ҷавонон ва варзиши шаҳру ноҳияҳо 3400 нафарро ташкил намуда, дар ин муддат дар ҳамбастагӣ 750 чорабинии фарҳангӣ - фароғатӣ, варзишӣ - солимгардонӣ, хонишҳои сиёсӣ, суҳбату вохӯриҳо баргузор намуда, бо усули “Хона ба хона” ва “Ҳамсол ба ҳамсол” бо ҷавонон ҳамсуҳбат гардидаанд, ки дар ин тадбирҳо 70 ҳазору 844 нафар фаро гирифта шуд”, - баён дошт сардори Раёсат.
Ӯ ин оморҳоро нишонаи фаъолии ҷавонон арзёбӣ намуда, ба он ишора намуд, ки ҷавонон дар ҳаллу фасли масъалаҳои иҷтимоӣ фаъолона ширкат менамоянд.
“Мо аз усулҳои “Хона ба хона” ва “Ҳамсол ба ҳамсол” васеъ истифода мебарем. Ин шакли кор имкон медиҳад, ки бо ҳар як ҷавон мустақим суҳбатҳо гузаронида шавад, мушкилоташ шунида ва роҳҳои ҳалли он пешниҳод гардад”, - гуфт сардори Раёсат ва афзуд, ки чунин корҳо дар таҳкими ҷаҳонбинии шаҳрвандӣ ва пешгирии зуҳуроти номатлуб нақши муҳим доранд.
Гуфта шуд, ки яке аз рӯйдодҳои муҳим дар самти дастгирии ҷавонони фаъол ҷамъбасти даври ҷумҳуриявии озмуни “Волонтёри сол – 2025” буд. Ба иттилои Раёсат, волонтёрони вилояти Хатлон дар ин озмун мавқеи намоён касб намуданд.
“Лозим ба ёдоварист, ки даври ҷумҳуриявии озмуни “Волонтёри сол - 2025”, ки бо ташаббуси Кумита ҷамъбаст гардид, Юсуфзода Райҳона волонтёр аз ноҳияи Ҷ.Балхӣ мақоми якум, Ятимов Билол волонтёри шаҳри Кӯлоб зиннаи дуюм, Наимова Меҳрона волонтёри назди бахши кор бо ҷавонон ва варзиши ноҳияи Панҷ ҷойи сеюмро касб карданд, ки ин нишонаи фаъолияти пурсамар, саҳми назаррас дар татбиқи барномаҳои иҷтимоӣ, амалҳои некӯкорона, роҳандозии ташаббусҳои ҷавонон мебошад”, - зикр кард номбурда.
Давоми соли равон аз ҷониби Раёсат ва сохторҳои маҳаллӣ, дар маҷмуъ, вобаста ба масъалаҳои болозикр 29 ҳазору 709 чорабинии фарҳангӣ - фароғатӣ, варзишӣ - солимгардонӣ, хонишҳои сиёсӣ, суҳбату вохӯриҳо, курсҳои омӯзишӣ, семинар, тренингҳои омӯзишӣ, аксияву ҳамоишҳо, чорабиниҳои ҳарбӣ – варзишӣ ва хонишҳои сиёсӣ баргузор карда шуд.
Ҳамзамон, дар ин самт мусобиқаҳои деҳа ба деҳа, маҳалла ба маҳалла, ташкилоту муассисаҳо ва дигар номгӯи чорабиниҳо баргузор гардидааст, ки нисбати ҳамин давраи соли 2024, 2 ҳазору 579 чорабинӣ зиёд мебошад. Фарогирӣ дар ин самт 996 ҳазору 543 нафар наврасону ҷавонон ва дигар қишри ҷомеаро дар бар мегирад, ки нисбати соли 2024, 20 ҳазору 520 нафар зиёд мебошад.
ТАВАҶҶУҲ БА СОҲАИ ВАРЗИШ
Дар ҷамъбасти солонаи Раёсати кор бо ҷавонон ва варзиши вилояти Хатлон гуфта шуд, ки соҳаи варзиш низ дар маркази таваҷҷуҳи мақомоти вилоят қарор дорад.
Ба гуфтаи сардори Раёсат, фаъолияти сохторҳои варзишӣ пеш аз ҳама ба рушди варзиши оммавӣ, дастгирии варзиши касбӣ ва омодасозии варзишгарон ба мусобиқаҳои сатҳи баланд равона шудааст. Айни ҳол дар вилояти Хатлон 39 муассисаи варзишӣ фаъолият доранд, ки барои ҷалби наврасону ҷавонон ба тарзи ҳаёти солим заминаи мусоид фароҳам меоранд.
Яке аз иқдомҳои муҳим таъсиси 7 мактаби варзишии махсуси футбол дар соли 2025 мебошад, ки аз оғози соли 2026 фаъолияти худро шуруъ намуданд. “Ин мактабҳо дар шаҳру ноҳияҳои Норак, Ҷалолиддини Балхӣ, Дӯстӣ, Панҷ, Восеъ, Фархор ва Шаҳритус таъсис ёфта, барои рушди футбол ва омодасозии истеъдодҳои ҷавон имкониятҳои нав фароҳам оварданд”, - гуфт сардори Раёсат.
Зикр гардид, ки дастовардҳои варзишгарони вилоят низ нишон медиҳанд, ки сиёсати пешгирифта натиҷаҳои самаранок медиҳад. Аз ҷумла, варзишгарони вилояти Хатлон дар 162 мусобиқа ва чемпионати ҷумҳуриявӣ иштирок намуда, 3 ҳазору 479 медал ба даст оварданд. Илова бар ин, дар натиҷаи иштироки фаъол дар 35 мусобиқаи байналмилалӣ ба хазинаи вилоят 227 медал ворид шудааст.
Дар маҷмӯъ, варзишгарони вилоят аз 197 мусобиқа ва чемпионати ҷумҳуриявию байналмилалӣ 3706 медал ба даст оварданд, ки нисбат ба соли гузашта 41 медал зиёд аст. “Ин рақамҳо нишон медиҳанд, ки варзиш дар вилоят рӯ ба рушд аст”, - хулоса кард сардори Раёсат.
Ба гуфтаи ӯ, дар давраи минбаъда Раёсати кор бо ҷавонон ва варзиши вилояти Хатлон фаъолияти худро ба татбиқи самараноки сиёсати давлатӣ, иҷрои сифатноки барномаҳои соҳавӣ ва таҳкими ҳамкориҳо равона хоҳад кард.
“Натиҷаҳои ҷаласаи Кумита ва имрӯза барои мо дастури амал буда, итминон дорем, ки бо роҳнамоии Пешвои миллат ва дастурҳои Мақомоти иҷроияи ҳокимияти давлатии вилояти Хатлон соҳа боз ҳам пеш меравад”, - гуфт ӯ.
Фарзонаи УМАРАЛӢ, “ҶТ”
Хабарҳои дигар
Рӯзнома
Эзоҳи худро нависед