ҶОМЕА
Сешанбе 28 Феврал 2017 08:01
406
Барои мардумро ба об таъмин кардан 85 сол лозим аст

Алимурод Тағоймуродов, директори КВД “Хоҷагии манзилию коммуналии Тоҷикистон”, 14 январ зимни нишасти матбуотӣ зикр кард, ки бештари арзу шикоятҳои сокинон дар робита бо обӣ ошомиданӣ таъмин кардани онҳо мебошад.

Ба иттилои ин ниҳод, 57 дар сад аҳолии кишвар ба оби ошомиданӣ дастрасӣ доранд, боқимонда аз ҷӯйборҳо, чашмаҳо, дарёҳо ва чоҳҳо истифода мебаранд.

- Дар ҷумҳурӣ 4884 маҳаллаи аҳолинишин ба қайд гирифта шудааст ва дар ҳамаи онҳо лоиҳаҳои инвеститсионӣ мавҷуд аст. Агар ягон ташкилоту муассиса, институтҳои молиявӣ ё шахсони алоҳида муроҷиат кунанд, мо метавонем лоиҳаҳои тайёрро ба онҳо пешниҳод кунем, - гуфт А. Тағоймуродов. - Проблемаи норасоии оби ошомиданӣ дар ҳама гӯшаву канори ҷумҳурӣ ҷой дорад. Барои сокинони мамлакатро бо оби ошомиданӣ таъмин кардан зиёда аз 2 миллиард доллари ИМА лозим аст. Агар 54 миллион долларро ҳар сол аз худ кунем, 85 сол лозим аст, то тамоми мардуми кишварро ба оби ошомиданӣ таъмин намоем.

Эзоҳи худро нависед



Рамзҳо дар расм