Дар шаҳри Конибодом ба истиқболи 30-солагии Истиқлолияти давлатӣ 153 иншооти гуногун мавриди истифода қарор дода шуданд.

Дар ин бора аз маркази матбуоти шаҳр иттилоъ дода, иброз доштанд, ки ишоотҳои мазкур давоми соли гузашта ва дар семоҳаи аввали соли равон бунёд гардида, он аз омодагии сокинони шаҳр ба ҷашни таърихӣ гувоҳӣ медиҳад.

Бино ба таъкиди масъулин мувофиқи нақшаи пешбинишуда, дар шаҳри Конибодом то соли 2021 бунёду баистифодадиҳии 506 иншооти гуногун, аз ҷумла, мактабу синфхонаҳои иловагӣ, марказҳои саломатӣ, ҳаммому кошонаҳои ҳусн, дорухона, толору майдончаҳои варзишӣ, марказҳои савдою хизматрасонӣ, таъмири китобхона, мумфаршу чароғонкунии роҳҳо ва дигар иншооти муҳим дар назар дошта шудааст. То охири соли ҷорӣ бошад, бунёду ифтитоҳи беш аз 100 иншооти дигар пешбинӣ гардидааст.