ҶОМЕА
Сешанбе 11 Декабр 2018 10:37
836
Имрӯз, 25 апрел, аз чопи нахустин шумораи яке аз маъруфтарин нашрияҳои кишвар – “Чархи гардун” бист сол пур шуд.

Ин нашрия соли 1996 замоне рӯи чоп омад, ки дар ҷомеаи Тоҷикистон қадру манзалати журналистика ва журналист намонда буд. Замоне буд, ки матбуот хеле кам нашр мегардид ва бо душворӣ ба дасти хонанда мерасид.

Муассиси нашрия, журналисти номдор Акбари Саттор солҳои баъдиҷангӣ нахуст нашрияи “Дайджест-пресс”-ро таъсис дод.
“Дайджес-пресс” аслан матолиберо бознашр мекард, ки дар бораи авзои минтақа ва ҷаҳон дар рӯзномаҳои Руссия нашр шудаанд. Сипас нашрияи тоҷикии “Чархи гардун”-ро таъсис дода, ҳайати эҷодии боқувватеро гирд овард. Дар коллективи эҷодии “Чархи гардун” беҳтарин рӯзноманигорон, ҳунармандон – онҳое, ки аз кори худ канор рафта буданд, сарҷамъ шуданд. Нашрия матолиберо нашр мекард, ки хонанда интизор буд ва мехонд. Аз ин рӯ, теъдоди нашраш дар муддати кӯтоҳ хеле боло рафт.

Баъдтар нашрияҳои дигареро ҳам шодравон Акбари Саттор ба майдон ворид кард, ки даҳҳо нафар бо шумули журналистон ва рӯзномафурӯшон бо кор таъмин гаштанд.

Ҳарчанд имрӯз муассис ва молики “Чархи гардун”, журналисти зиндаёд дар қайди ҳаёт нест, вале рӯзномаҳои таъсисдодааш фаъоланд ва барои ҷомеа хизмат мекунанд.

Мо аҳли эҷоди имрӯзаву гузаштаи рӯзномаи “Чархи гардун”-ро ба муносибати 20-солагии нашрияи маҳбуб шодбош мегӯем.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.