Имрӯз, 25 ноябр дар деҳаи Охбулоқи Ҷамоати деҳоти Тоҷикистони ноҳияи Балҷувон бинои иловагии як муассисаи таълимӣ мавриди истифода қарор гирифт.

Дар ин бора аз дафтари матбуоти Вазорати маориф ва илм хабар доданд.

Ба иттилои манбаъ дар рафти баистифодадиҳии бинои таълимӣ раиси вилояти Хатлон Давлаталӣ Саид, вазири маориф ва илми Ҷумҳурии Тоҷикистон Раҳим Саидзода ва раиси Кумитаи андози назди Ҳукумати Ҷумҳурии Тоҷикистон Нусратулло Давлатзода иштирок кардаанд.

Гуфта мешавад, ки иншооти мазкур дар доираи нақшаи чорабиниҳои ҷашни 35-солагии Истиқлоли давлатии Ҷумҳурии Тоҷикистон сохта шудааст. Корҳои лоиҳакашии иншоотро ташкилоти лоиҳакашии “Инжиниринг Консултантсенд Ассосиатес Лимитед” бо маблағи 4,2 миллион сомонӣ анҷом дода, корҳои пудратиро бошад, мутахассисони ҶДММ «”Элит-Строй-Сервис” амалӣ намудаанд.

Зимни суҳбат масъулин омӯзгоронро барои соҳибмаълумот намудани насли наврас, дар руҳияи хештаншиносӣ ба камол расондани онҳо даъват намуда, хонандагонро бештар барои аз худ кардани донишҳои муосир, махсусан омӯзиши забонҳои хориҷӣ ва технологияи нав ҳидоят карданд.