Имрӯз дар Боғи фарҳангу фароғатии ба номи А.Фирдавсии шаҳри Душанбе пардабардорӣ аз нимпайкараи шоири шинохтаи қазоқ - Абай Кунанбоев сурат гирифт.

Дар ин маросим Сатториён Матлубахон, вазири фарҳанги Ҷумҳурии Тоҷикистон, Баллаева Аида Галимовна, вазири фарҳанг ва иттилооти Ҷумҳурии Қазоқистон, раиси Иттифоқи нависандагони Тоҷикистон Низом Қосим, инчунин, аҳли адабу зиёи кишвар, дӯстдорону ҳаводорони эҷодиёти шоир ширкат доштанд.

Абай Кунанбоев шахсияти воқеии таърихӣ, шоири бузург, маорифпарвар ва асосгузори адабиёти хаттии қазоқ мебошад. Ӯ соли 1845 ба дунё омада соли 1904 вафот кардааст. Абай Кунанбоев муалифи асари машҳури “Қара сӯз” (“Каломи сиёҳ”) мебошад, ки он ба забони тоҷикӣ бо номҳои гуногун тарҷум шудааст.