Имрӯз дар деҳаи Тишори Ҷамоати деҳоти Поршиневи ноҳияи Шуғнон Маркази инкишофи кӯдак дар доираи таҷлили сазовор аз ҷашни 35 - умин солгарди Истиқлоли давлатии Ҷумҳурии Тоҷикистон барои 40 кӯдак ба истифода дода шуд.

Раиси ВМКБ Мирзонабот Алишер Худобердӣ сокинони деҳаро ба ифтихори 30 - юмин солгарди Конститутсияи Ҷумҳурии Тоҷикистон ва ифтитоҳи муассисаи таълимии томактабӣ табрик намуд.

Зикр шуд, ки дар давраи соҳибистиқлолии мамлакат дар шаҳру ноҳияҳои вилоят 215 муассисаи таҳсилоти умумӣ ва синфхонаҳои иловагӣ барои 43 ҳазор ҷойи нишаст ба маблағи беш аз 450 миллион сомонӣ сохта ба истифода дода шуданд.

Танҳо соли ҷорӣ ҳангоми сафари кории Пешвои миллат муҳтарам Эмомалӣ Раҳмон ба ВМКБ 12 иншооти соҳаи маориф ба истифода дода шуданд, ки аз ҷумлаи онҳо 2 кӯдакистон, 3 маркази инкишофи кӯдак ва 2 толори варзишӣ мебошанд.

Соли ҷорӣ бошад, 8 бинои нави кӯдакистон ва маркази инкишофи барвақтии кӯдак сохта ба истифода дода шуданд.

Садоншо ҶАНОБИЛШОЕВ, "ҶТ"