Хадамоти консулии Сафорати Ҷумҳурии Тоҷикистон дар Федератсияи Русия ду рӯз пеш 3 нафар шаҳрвандони ноболиғи Ҷумҳурии Тоҷикистонро ба наздиконашон баргардондаанд.

Дар ин бора Сафорати Ҷумҳурии Тоҷикистон дар Федератсияи Русия хабар медиҳад.

Тибқи иттилои манбаъ, ин шаҳрвандони ноболиғ, ки дар Русия бепарастор буданд, 15 июли соли 2024 бо мусоидати Хадамоти консулии Сафорати Ҷумҳурии Тоҷикистон дар Федератсияи Русия ба ватан баргардонида шуда, ба наздиконашон супорида шудаанд.

Гуфта мешавад, ки ин ноболиғон тибқи Созишномаи Кишинёв оид ба ҳамкории давлатҳои узви Иттиҳоди Давлатҳои Мустақил оид ба баргардонидани шаҳрвандони ноболиғ (аз 07.10.2002), ба Тоҷикистон оварда шуданд.

Бо ҳамин тартиб, дар доираи ин созишнома, аз аввали соли ҷорӣ, 38 шаҳрванди ноболиғи Ҷумҳурии Тоҷикистон ба наздиконашон баргардонида шуданд.

Фарзонаи УМАРАЛӢ, “ҶТ”