ҶОМЕА
Чоршанбе 03 Июн 2020 01:26
1243
Дар нимсолаи аввали соли равон ҳаҷми истеҳсолот дар саноати коркард 3825,3 миллион сомониро ташкил додааст, ки аз он маҳсулоти хӯрокворӣ бо нӯшокиҳо ва тамоку 1651,4 миллион сомонӣ, маҳсулоти нассоҷӣ ва дузандагӣ 260,6 миллион сомонӣ, маҳсулоти ғайрифилизии маъданӣ 728,2 сомонӣ, истеҳсоли металургӣ ва истеҳсоли маснуоти тайёрии филизӣ 886,5 миллион сомонӣ мебошад.

Ин нукта 28 июли соли ҷорӣ дар нишасти матбуотии Агентии омори назди Президенти Тоҷикистон садо дод. Зикр гардид, ки истеҳсоли маҳсулоти хӯрокворӣ нисбат ба соли гузашта 1,6 фоиз зиёд шудааст, ки он аз ҳсиоби маҳсулоти гӯшт 9,4 фоиз, ҳасиб 19,9 фоиз, шири холис 1,4 фоиз консерваҳо 1,7 фоиз баробар аст. Бо сабаби рақобатпазир будани маҳсулоти истеҳсолшуда ва кофӣ набудани ашёи хом, ҳаҷми истеҳсолоти обҳои маъданӣ дар ҶСП “Оби Зулол” коҳиш ёфтааст. Илова ба ин, бо сабаби иваз намудани намуди истеҳсолот дар ҶММ “Сахо И К” обҳои маъданӣ истеҳсол нашуданд. Истеҳсоли маҳсулоти нассоҷӣ ва дузандагӣ 260,6 миллион сомониро ташкил медиҳад.

Истеҳсоли маҳсулоти нассоҷӣ ва дузандагӣ аз ҳисоби камшавии истеҳсоли нахи пахта 51,9 фоиз чигити тухми пахта 50,3 фоиз, газворҳо 74,9 фоиз, маснуоти ҷӯробу паймоқ 11,1 фоиз, ҳаҷми истеҳсоли маҳсулоти саноатӣ 26,8 фоиз кам шудааст.

Ҳамзамон, дар ин нимсола корхонаҳои истеҳсолкунандаи маҳсулоти дӯзандагӣ, аз қабили филиали “Ёқут-2000”-и шаҳри Ваҳдат ва ҶММ “Деҳбед-Д”-и шаҳри Ҳисор аз фаъолият боз мондаанд. Инчунин дар нишасти матбуотӣ маълумот дода шуд, ки дар шаш моҳи сипаришуда, истеҳсоли чарм, маснуот аз чарм ва пойафзол 32,2 фоиз зиёд шуд, ки ин аз ҳисоби зиёдшавии молҳои чарми хиром 2,2 баробар, пойафзолҳои резинӣ 17,3 фоиз ба вуҷуд омадааст. Ҳаҷми истеҳсоли маҳсулоти нафтӣ 3,4 фоиз бештар шудааст, ки аз ҳисоби зиёдшавии истеҳсоли бензин 20,1 фоиз, сузишвории дизелӣ 32,2 фоиз, мазут 15,1 фоиз, асфалт 17,3 фоиз ба даст омадааст.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Июн 2020 c.