Аз 1 то 8 ноябр дар шаҳри Мински Ҷумҳурии Беларус 30-юмин синамоҷашнвораи байналмилалии “Листопад” доир шуд, ки дар он филми ҳунарии “Дар талоши ҳақиқат” -и коргардони ҷавон Манзаралӣ Шералӣ соҳиби Диплом гардид.

Дар ин хусус “Тоҷикфилм” иттилоъ медиҳад.

Бояд гуфт, ки филми мазкур аз ҷониби Муассисаи давлатии “Тоҷикфилм” наворбардорӣ шуда, аз ҳаёти як рӯзноманигор қисса мекунад. Қаҳрамони марказии филм барои ҳақиқат хеле қурбониҳо мекунад ва дар охир ба ҳадафи худ мерасад. Филм 26 январи соли равон дар кинотолори “Кохи Наврӯз” бори нахуст намоиш дода шуда буд.

Ҳамчунин ин филми ҳунарӣ чанде қабл дар синамоҷоизаи дуюми миллии “Тоҷи Сомон” мақоми “Беҳтарин филми ҳунарӣ”-ро соҳиб гардида буд.

Гулафшон КАРИМОВА,“ҶТ”