Дар шаҳри Душанбе мусобиқаи футболи хурд барои дарёфти Ҷоми Федератсияи футболи Тоҷикистон-2026, ки ба ифтихори Рӯзи ҷаҳонии футбол ва Рӯзи Ваҳдати миллӣ баргузор гардид, ба анҷом расид.

Дар натиҷаи рақобатҳои ҷолиб дастаи “Фишори молиявӣ”», намояндаи раёсати дастаҳои мунтахаби Федератсияи футболи Тоҷикистон унвони қаҳрамони мусобиқаро ба даст овард. Зинаи дуюм насиби дастаи “Ориё” гардида, дастаи “Котиби генералӣ” мақоми сеюм ва медалҳои биринҷиро соҳиб шуд.

Дар маросими ҷамъбастӣ ба ғолибону ҷоизадорони мусобиқа ҷом, медал ва туҳфаҳои хотиравӣ тақдим карда шуданд.
Ёдовар мешавем, ки мусобиқа ба ифтихори Рӯзи ҷаҳонии футбол ва Рӯзи Ваҳдати миллӣ доир гардида, ҳадафи он таҳкими дӯстӣ, рушди тарзи ҳаёти солим ва густариши футболи оммавӣ миёни кормандони Федератсияи футболи Тоҷикистон арзёбӣ мешавад.

Яҳё МАҲМАДНАБИЕВ, “ҶТ”