29 декабр дар толори маҷлисгоҳи Мақомоти иҷроияи ҳокимияти давлатии вилояти Хатлон ҷаласаи чоруми Маҷлиси вакилони халқи вилояти Хатлон, даъвати ҳафтум баргузор шуд. Ҷаласаро Давлаталӣ Саид раиси Маҷлиси вакилони халқи вилояти Хатлон ва ҳамзамон раиси вилоят роҳбарӣ намуд.

Дар ҷараёни ҷаласа, раиси вилоят ба масъалаи рушди соҳаи варзиш таваҷҷуҳ зоҳир намуда, пешниҳод кард, ки бо мақсади таҳкими бештари ҳавасмандии ҷавонон ва варзишгарон “Ҷоизаи раиси вилояти Хатлон барои ғолибони мусобиқаҳои байналмилалии варзишӣ” роҳандозӣ карда шавад. Ба таъкиди ӯ, таъсиси чунин ҷоиза метавонад барои боло бурдани руҳияи рақобатпазирӣ ва дастгирии истеъдодҳои варзишӣ мусоидат намояд.

Таъсиси ҷоизаи махсуси раиси вилояти Хатлон барои ғолибони мусобиқаҳои байналмилалӣ ҳамчун як қадами муҳими нав дар сиёсати дастгирии варзиш арзёбӣ шуда, интизор меравад, ки он ба рушди минбаъдаи соҳа ва муваффақиятҳои навбатии варзишгарони вилоят такони ҷиддӣ бахшад.

Яҳё МАҲМАДНАБИЕВ, “ҶТ”