Дар ноҳияи Ишкошим бо ҳадафи тақвияти тарзи ҳаёти солим ва ҷалби ҳарчи бештари ҷавондухтарони деҳот ба варзиш миёни ҳашт дастаи бонувон мусобиқаи волейбол баргузор гашт.

Тавре аз Бахши кор бо ҷавонон ва варзиши ноҳия иттилоъ доданд, чорабинии варзишӣ бо ибтикори бахш гузаронида шуда, дар даври ниҳоии он ҷойи аввалро дастаи “Дашти ҷамоати Рустамбек Юсуфбеков” гирифта, дастаи “Бағуши ҷамоати Қозидеҳ” сазовори зинаи дуюм гардид. Ҷойи сеюм насиби дастаи “деҳаи Қозидеҳ ҷамоати Қозидеҳ” шуд.

Ғолибон бо ифтихорномаҳои бахш сарфароз гардиданд.