Соли 2022 дар Ҷумҳурии Тоҷикистон 697 ҳодисаи фавқулодда, ки хусусияти табиӣ доранд, ба қайд гирифта шудааст.

Дар ин бора Эмомалӣ Иброҳимзода, муовини раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон имрӯз - 7 феврал зимни нишасти матбуотӣ иттилоъ дод. Ӯ гуфт, ки аз ин шумора 46-тоаш офати табиӣ буда, бар асари онҳо 8 нафар ба ҳалокат расидаанд.

Ҳамзамон, номбурда зикр кард, ки бинобар риоя накардани қоидаҳои бехатарӣ ҳангоми шиноварӣ дар дарёву кӯлҳо 160 нафар (соли 2021 - 159 нафар) ғарқ шуда, ба ҳалокат расидаанд. Аз ин шумора синни то 4-сола 11 нафар, аз 5 то 10-сола 25 нафар, аз 11 то 16-сола 44 нафар аз 17 то 35-сола 49 нафар ва аз 35 - сола боло 29 нафар мебошанд. Дар ин давра наҷотдиҳандагони 44 нафарро, ки дар ҳолати ғарқшавӣ қарор доштанд, наҷот додаанд.