Дар ноҳияи Вахш таҳти унвони "Хизмати ҳарбӣ-рисолати ҷавонмардист" бо иштироки намояндагони Кумитаи кор бо ҷавонон ва варзиш ва сохторҳои маҳаллии он дар вилояти Хатлон миёни сарбозону афсарон вохӯрии судманд доир гардид.

Вохӯрии мазкур дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи варзишгарон ва таҷлили ҷашни Истиқлоли давлатӣ гузаронида шуда, зимни он масъулин хизмати ҳарбиро қарзи ҷавонмардии ҳар як ҷавони кишвар унвон карданд.

Гуфта шуд, ки имрӯз саҳми сарбозону афсарони кишвар дар таъмини амнияти кишвар хеле бузург буда, онҳо содиқонаву садоқатмандона рисолати хешро ба ҷо оварда истодаанд.