26 феврал дар шаҳри Хуҷанд бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии вилояти Суғд ҳамоиши гирандагони Стипендияи Президенти Ҷумҳурии Тоҷикистон таҳти унвони “Ҷавонон-пайрави Пешвои миллат” баргузор гардид.

Дар чорабинии мазкур Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Даврон Зоҳидзода, муовини раиси вилояти Суғд, намояндагони сохторҳои маҳаллии КҶВ дар вилояти Суғд ва гирандагони Стипендияи президентӣ аз шаҳру ноҳияҳои Хуҷанд, Б.Ғафуров, Исфара, Конибодом, Мастчоҳ, Гулистон, Бустон, Истиқлол, Ҷ.Расулов ва Ашт ширкат варзиданд.

Сараввал иштирокчиёни ҳамоиш аз намоиши истеҳсоли корхонаҳои саноатии шаҳри Хуҷанд ва маҳсули дасти ҷавонони ҳунарманд дидан намуда, ба сатҳу сифати истеҳсолот ва ҳунари онҳо баҳои баланд доданд.

Ҳамоиш бо садо додани Суруди миллӣ оғоз гардид.

Сипас, Даврон Зоҳидзода, муовини раиси вилояти Суғд баромад карда, зимни суханронии хеш аз дастгириҳои давлатии ҷавонон ёдовар гардида, доир ба дастовардҳои ҷавонон ва саҳми онҳо дар пешрафти ҷомеа ибрози андеша намуд.

Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон низ дар суханронии худ аз ташаббус ва дастгириҳои пайвастаи Пешвои муаззами миллат ёдовар гардида, зикр намуданд, ки бо иқдомҳои ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз ҷиҳати ҳавасмандгардонии ҷавонони лаёқатманду босавод имтиёзҳои гуногун роҳандозӣ карда шуда, яке аз ин иқдомҳо таъсиси Стипендияи президентӣ барои донишҷӯён ва хонандагони муассисаҳои таҳсилоти миёнаи умумӣ, ибтидоӣ ва миёнаи касбӣ мебошад, ки имрӯз теъдоди онҳо 3000 ададро ташкил медиҳад.

Дар идомаи ҳамоиш аз ҷониби раиси КҶВ ва муовини раиси вилоят дар фазои тантанавӣ ба гирандагони Стипендияи президентӣ дар соли таҳсили 2021-2022 шаҳодатномаҳо ва маблағи стипендия супорида шуд.

Дар охир барномаи фарҳангӣ пешкаши ҳозирин гардонида шуд.