Дар ҷамоати Вишхарви ноҳияи Дарвоз бахшида ба Рӯзи оила зери унвони “Оилаи намунавӣ” маҳфили идона баргузор гардид, ки дар он чор хонавода соҳиби тӯҳфаҳои арзанда шуданд.

Ин иқдом аз тарафи мақомоти иҷроияи маҳаллии ҳокимияти давлативу Бахши кор бо ҷавонон ва варзиши ноҳияи Дарвоз пиёда гардида, мукофотро муовини раиси ноҳия Мирзозода Зарина ба оилаҳо аз ҷамоатҳои Қалъаи Хумб, Нулванд, Сағирдашту Вишхарв тақдим намуд.
Талабшо Аламов, мудири бахш гуфт, ки дар чорабинӣ инчунин беҳтарин ҳофизону ҳунармандон ва ҷавонони ноҳия созу наворо пешкаши ҳозирин карданд.

Ҳамин тавр, ҷуфти оилаҳо аз ҷамоатҳои Қалъаи Хумб Ғозӣ Розиев ва Марҷигул Хоҷаева, Нулванд Алиши Вазиров ва Тарифмо Султонарабова, Сағирдашт Салим Шокиров ва Меҳрӣ Абдулҳаев, Вишхарв Қурбоншо Саидов ва Гулпарӣ Ҳабибова хонаводаҳои намунавӣ дониста шуданд.