Дар шаш моҳи аввали соли ҷорӣ Маркази тадқиқоти стратегии назди Президенти Ҷумҳурии Тоҷикистон якҷоя бо Прокуратураи генералии Ҷумҳурии Тоҷикистон тадқиқоти сотсиологӣ дар мавзӯи “Омӯзиши афкори аҳолӣ доир ба сатҳи ҷинояткорӣ, сифати кори мақомоти ҳифзи ҳуқуқ дар мубориза бо он ва сатҳи бехатарии шаҳрвандон аз кирдорҳои ҷиноӣ” анҷом додааст. 

Ин нукта имрӯз 26 июл, дар нишасти хабарии Маркази тадқиқоти стратегии назди Президенти Ҷумҳурии Тоҷикистон баён гардид.

Гуфта шуд, аллакай дар 32 шаҳру ноҳияҳои кишвар тадқиқоти сотсиологӣ гузаронида шудааст. Ба таъкиди масъулин дар марказ барои баргузории тадқиқоти сотсиологии навбатӣ  (ҳар се сол) дар мавзӯи “Мубориза бо коррупсия дар Тоҷикистон” дар доираи амалишавии “Стратегияи муқовимат бо коррупсия дар Ҷумҳурии Тоҷикистон барои солҳои ‎2013-2020” омодагиҳо идома дорад.

Акобир Шарипов, волонтёри “ҶТ”