Имсол дар Маркази миллии тестӣ дар ду давраи бақайдгирӣ 92 ҳазору 991 довталаб номнавис шудааст. Ин шумора нисбати ҳамин давраи соли гузашта 10 ҳазору 499 адад бештар аст.

Дар ин бора Сабзалӣ Ҷаъфарзода, директори Маркази миллии тестӣ 5 август зимни нишасти хабарӣ иттилоъ дод.

Гуфта шуд, ки шумораи ин довталабон ҳамагӣ 96,8%-ро аз шумораи ҷойҳои нақшаи қабули донишҷӯён ба муассисаҳои таълимии таҳсилоти миёна ва олии касбӣ дар заминаи таҳсилоти миёнаи умумӣ, ибтидоӣ ва миёнаи касбӣ ташкил медиҳад, ки ин нишондиҳанда низ нисбати соли гузашта 15,83 фоиз зиёд аст.

- Дар ду давраи бақайдгирӣ 1075 нафар довталаб барои иштирок дар ИМД 2025 бо пешниҳоди ҳуҷҷатҳо барои гирифтани имтиёз ба қайд гирифта шудаанд, ки ин нисбат ба соли гузашта 84 нафар кам аст, - гуфт Ҷаъфарзода.

Сайёраи ҚИЁМИДДИН, “ҶТ”