Нимаи дуюми рӯзи 13 ноябр мулоқоти Аҳмадзода Дилноза, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо сардори Департаменти Идораи Президенти Федератсияи Русия оид ба робитаҳои байниминтақавӣ ва фарҳангӣ бо давлатҳои хориҷӣ доир гардид.

Зимни мулоқот гуфта шуд, ки имрӯзҳо кишвари мо бо роҳбарии Пешвои миллат муҳтарам Эмомалӣ Раҳмон дар ҳалли мушкилоту камбудиҳои ҷавонони дар хориҷи кишвар буда, бетараф нест. Имрӯз мақоми ҷавонон рӯз аз рӯз боло рафта, нигоҳи Ҳукумату давлат ба ин қувваи пешбарандаи ҷомеа ҳамчун такягоҳи бузург афзун мегардад.

Дар навбати худ сардори Департаменти Идораи Президенти Федератсияи Русия оид ба робитаҳои байниминтақавӣ ва фарҳангӣ бо давлатҳои хориҷӣ А.В Власов таъкид намуд, ки мо низ кӯшиш мекунем, то робитаи зич бо ҷавонони фаъоли Тоҷикистон дошта бошем.