Дар асоси нақшаи чорабиниҳои Бахши кор бо ҷавонон ва варзиши шаҳри Истаравшан дар ҳама ҷамоату деҳот ва маҳаллаҳои шаҳр мулоқоту вохӯрӣ ва хонишҳои сиёсӣ доир гардида истодааст.

Дар толори МТМУ №13-и шаҳр низ чунин мулоқот баргузор шуда, дар он муовини раиси шаҳр Наимҷонзода Нигора, сардори маркази ташаккули тарзи ҳаёти солими шаҳр Сайфиддинова Ш. ва аъзоёни маҳфили “Пайравони Пешвои миллат”-и назди Бахши кор бо ҷавонон ва варзиш иштирок ва суханронӣ намуданд.

Дар мулоқот зиёда аз 150 нафар шунавандагон иштирок намуда, суҳбат тариқи гуфтушуниди озод ҷараён гирифта, дар рафти он аз тарафи аъзоёни маҳфили "Пайравони Пешвои миллат" ба иштирокчиёни мулоқот маводҳои таблиғотӣ тақсим карда шуд.

Бояд гуфт, ки дар асоси супориши раиси шаҳри Истаравшан ситоди доимамалкунандаи шаҳри Истаравшан оид ба пешгирии сироятёбӣ аз пандемияи COVID-19 ва бурдани корҳои таблиғотӣ байни аҳолии шаҳр ташкил шуда, ҳамарӯза дар муассисаҳои таълимӣ ва ташкилоту идораҳои давлатии шаҳр мулоқотҳо гузаронида мешаванд.