21 май Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустам Эмомалӣ дар шаҳри Ню-Йорки Иёлоти Муттаҳидаи Америка бо Президенти иҷлоси 79-уми Маҷмаи Умумии Созмони Милали Муттаҳид Филемон Янг мулоқот намуданд.

Дар ин бора аз дафтаи матбуоти раиси шаҳр хабар доданд.

Ба иттилои манбаъ ин мулоқот дар ҳошияи таҷлили “Рӯзи ҷаҳонии футбол” дар Маҷмаи Умумии Созмони Милали Муттаҳид ба вуқуъ пайваст.

Зимни мулоқот маҷмуи масъалаҳои ҳамкории Ҷумҳурии Тоҷикистон бо Созмони Милали Муттаҳид ва ниҳодҳои он баррасӣ гардид.