Бино ба иттилои Кумитаи кор бо занон ва оилаи назди Ҳукумати Ҷумҳурии Тоҷикистон муроҷиати лӯлиҳо низ ба ин кумита ба назар мерасад.

Дар ин бора Сабоҳат Мамадалиева, сухангӯи шӯъбаи иттилооти Кумитаи кор бо занон ва оилаи назди Ҳукумати кишвар зимни нишасти матбуотӣ ба рӯзноманигорон иттилоъ дод.

Ба гуфтаи ӯ, лӯлиҳо аслан дар масъалаи танзими оила ва муносибатҳои фарзанд муроҷиат мекунанд.
- Он муроҷиатҳое, ки аз ҷониби лӯлиҳо ба Кумитаи кор бо занон ва оила мешавад, асосан масъалаҳои вобаста ба танзими оила ва муносибатҳои фарзанд ҳастанд. Ҳамзамон ба ҷойи кор таъмин намудани занон ва баланд бардоштани вазъи иқтисодӣ мебошад. Вале то имрӯз дар масъалаи хушунат ба кумита аз ҷониби лӯлиҳо муроҷиат нашудааст.

Фарзонаи УМАРАЛӢ, “ҶТ”