ҶОМЕА
Ҷумъа 20 Май 2022 08:28
1474
Имрӯз дар Душанбе ғолибони Мусобиқаи ҷумҳуриявии мақомоти марказии ҳокимияти давлатӣ, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳру ноҳияҳои тобеи ҷумҳурӣ  барои беҳтарин шаҳр, ноҳия, шаҳрак, деҳот, деҳа, маҳалла, хона ва оилаи намунавӣ, ки бо Амри Президенти Ҷумҳурии Тоҷикистон бахшида ба 25-солагии Истиқлолияти давлатии Ҷумҳурии Тоҷикистон 24 феврали соли равон эълон шуда буд, қадрдонӣ гардиданд.

Дар маросими мукофотсупорӣ муовини Сарвазири мамлакат, раиси Комиссияи мусобиқа Азим Иброҳим изҳор дошт, ки дар озмун 412 ҳазор оила аз 300 ҳазор хонавода, 4144 деҳа, 370 деҳот, 57 шаҳрак, 52 ноҳия, 16 шаҳр, 3 вилоят ва 60 мақомоти марказии ҳокимияти давлатӣ иштирок намуданд.

Зимни супоридани ҷоизаҳо, нишони хотиравӣ ва мукофоти пулӣ Сарвазири мамлакат Қоҳир Расулзода таъкид намуд, ки озмуну мусобиқаҳои ҷумҳуриявӣ як баҳона аст. Бо ин восита сокинон дар ободу зебо гардидани хона, маҳалла, ноҳия, умуман Тоҷикистони азиз саҳми арзанда мегузоранд.



Ҳамин тариқ, шоҳҷоиза - Ҷоми Ҷамшед насиби Вазорати корҳои хориҷӣ шуд. Ҷоми Истиқлолро бошад, вилояти Хатлон ба даст овард. Хуҷанд ҳамчун беҳтарин шаҳр, Ёвон ҳамчун беҳтарин ноҳия, Данғара ҳамчун беҳтарин шаҳрак, Деҳоти Рӯдакии ноҳияи Восеъ, деҳаи Янгибоғи шаҳри Турсунзода, маҳаллаи Маҳмадулло Холови ноҳияи Исмоили Сомонии шаҳри Душанбе, хонаи Исмоил Рустамов дар шаҳри Норак, оилаи Саъдуллоевҳо дар ноҳияи Исмоили Сомонии шаҳри Душанбе сазовори шоҳҷоиза шуданд. 

Ҷои аввалро Прокуратураи генералӣ ҳамчун беҳтарин мақомоти марказии ҳокимияти давлатӣ, шаҳри Турсунзода, ноҳияи Исмоили Сомонии шаҳри Душанбе, шаҳраки Ғарми ноҳияи Рашт, Деҳоти Гули Сурхи шаҳри Истаравшан, деҳаи Раҳмонободи ноҳияи Шуғнон, маҳаллаи Исмоили Сомонии шаҳри Кӯлоб, хонаи Шариповҳо дар ноҳияи Шоҳмансури шаҳри Душанбе ва оилаи Сафаралӣ Ҳалимов аз ноҳияи Бохтар ба даст оварданд.



Мақоми дуюм дар номинатсияҳо ба Агентии назорати давлатии молиявӣ ва мубориза бо коррупсия, шаҳри Қӯрғонтеппа, ноҳияи Рӯдакӣ, шаҳраки Пролетари ноҳияи  Ҷаббор  Расулов, деҳоти Поршневи ноҳияи Шуғнон, деҳаи Ваҳдати ноҳияи Хуросон, маҳаллаи Зардолузори шаҳри Панҷакент, хонаи Аброр Шамуратов аз ноҳияи Лахш ва оилаи Маҷид Олимов аз ноҳияи Спитамен муносиб донистанд. 

Шаҳри Хоруғ, ноҳияи Бобоҷон Ғафуров, деҳоти Ҳисори шаҳри Ҳисор, деҳаи Диловарони шаҳри Конибодом, маҳаллаи Исмоили Сомонии ноҳияи Рӯдакӣ, хонаи Нозимҷон Усмонов аз ноҳияи Бобоҷон Ғафуров ва оилаи Наботбегим Тавакалова аз шаҳри Хоруғ ҷойи сеюмро гирифтанд.

Гуфтан ба маврид аст, ки мусобиқа ба ифтихори 25-солагии Истиқлолияти давлатии Ҷумҳурии Тоҷикистон бори аввал дар сатҳи ҷумҳурӣ доир гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Май 2022 c.