Имрӯз-17 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати иштирок дар вохӯрии сарони давлатҳои “Осиёи Марказӣ – Ҷумҳурии Федеративии Олмон” ба шаҳри Остонаи Ҷумҳурии Қазоқистон сафар карданд.

Дар ин хусус Хадамоти матбуотии Президент иттилоъ медиҳад.

Бино ба иттилои манбаъ дар фурудгоҳи байналмилалии ба номи Нурсултон Назарбоев Президенти Ҷумҳурии Тоҷикистон муҳтарам Эмомалӣ Раҳмонро Олжас Бектенов, сарвазири Ҷумҳурии Қазоқистон ва дигар намояндагони воломақом гарму самимӣ пешвоз гирифтанд.