ҶОМЕА
Ҷумъа 12 Август 2022 08:13
8795
Дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон 29 июн бахшида ба 25 –умин солгарди Рӯзи ваҳдати миллӣ мизи мудаввари илмӣ-назариявӣ дар мавзӯи “Ҷомеаи солим аз оилаи солим сарчашма мегирад” баргузор гардид.

Дар он Шабнам Раҳимзода, муовини аввали раиси Кумитаи кор бо ҷавонон ва варзиши назди Ҳукумати кишвар, Дилшод Баротиён, нозири калони назорати муомилоти маводи нашъаовар ва пешгирии нашъамандии Агентии назорати маводи нашъаовари назди Президенти Ҷумҳурии Тоҷикистон, Боғигул Исмоилзода, сардори шуъбаи ташкилии Кумитаи кор бо занон ва оилаи назди Ҳукумати Ҷумҳурии Тоҷикистон ва намояндагони дигар вазорату идораҳо иштирок ва суханронӣ намуданд.

Дар оғоз Шабнам Раҳимзода, муовини аввали раиси Кумитаи кор бо ҷавонон ва варзиш ҳамаи иштирокчиёнро ба 25-умин солгарди Ваҳдати миллӣ табрик гуфта, дар идома иброз намуд: “Муҳимтарин коре, ки инсон анҷом медиҳад, ин бунёди оила аст. Оила ин ячейкаи ҷомеа аст. Таърихи ташаккул ва инкишофи ҷомеаи башарӣ дар тӯли садсолаҳо ба ҳукми исбот расонд, ки бе бунёди оила ва махсусан оилаи солим мавҷудияти оила имконнопазир аст. Мушоҳидаҳо нишон медиҳанд, ки оилаи тоҷик сол то сол таҳким ёфта, Ҳукумати Ҷумҳурии Тоҷикистон, хосатан Президенти Ҷумҳурии Тоҷикистон муҳтарам Эмомалӣ Раҳмон барои солимгардонии оилаи тоҷик қонун, санад, қарорҳои махсус ва консепсияи рушди оиларо ба тасвиб расонида, соли 2015 – ро соли “Оила” эълон намуданд. Бо шарофати ин ҳама ғамхориҳо устувории оилаҳо баланд шуда истодааст”.

Номбурда ҳамчунин илова намуд, ки яке аз масъалаҳои мубрами ҳаёти имрӯзаи ҷомеа бунёди оилаи солим ва тарбияи насли солим ва ояндасоз ба шумор меравад, ки ҳалли дурусти он ба тарзи ҳаёт ва рафти инкишофи худи инсон вобаста мебошад. Ҷомеа имрӯз аз волидайн ва сокинон чунин тақозо менамояд, ки дар шеваи тадбири он пурмасъулият дар муомила, муошират ва муносибат бошанд. Ин гуфтаҳо шаҳодат аз он медиҳад, ки ҳар шахс бо рафтору кирдори шоиста метавонад, таъсири бештаре дар оила ва ҷомеа гузорад.

Боғигул Исмоилзода, сардори шуъбаи ташкилии Кумитаи кор бо занон ва оила зимни баромади хеш иброз дошт, ки тарбия аз хонавода ва модар сарчашма мегирад. Пас ҳар як ҷавони солимфикр бояд дар устувор кардани оилаи худ саҳмгузор бошад ва кӯшиш кунад, фарзанди солим ба воя расонад, то дар оянда дар ободкориҳои кишвар саҳмгузор бошад.

_DSC0614.JPG

Дар фарҷом аз ҷониби масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон барои ҳамкориҳои мутақобилан судманд ба намояндаҳои вазорату сохторҳои кишвар ва ба ҷавонони фаъол сипосномаҳо супорида шуд.

Таҳмина ЮСУФӢ “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.