ҶОМЕА
Ҷумъа 22 Октябр 2021 03:14
8163
Дар нимсолаи аввали соли 2021 аз ҷониби кормандони Агентии назорати маводи нашъаовари назди Президенти Ҷумҳурии Тоҷикистон 104 ҷинояти вобаста ба маводи нашъаовар ошкор гардидааст, ки нисбат ба ҳамин давраи соли гузашта, 24 ҷиноят ё 30 % зиёд мебошад.

Дар ин хусус 15 июл директори агентӣ Ҳабибулло Воҳидзода зимни нишасти матбуотӣ ба хабарнигорон иттилоъ дод.

Номбурда аз ҷумла қайд намуд, ки аз муомилоти ғайриқонунӣ 200 кг. 593 гр. маводи нашъаовар, аз ҷумла 3 кг. 873 гр. героин, 32 кг. 554 гр. афюн, 127 кг. 439 гр. ҳашиш, 1 кг. 807 гр. бангдона ва 34 кг. 920 гр. моддаҳои психотропию сахттаъсир дар намуди хока ва ҳабҳои синтетикӣ мусодира гардид. Миқдори умумии маводи нашъаовари аз ҷониби сохторҳои қудратии мамлакат мусодирашуда, 1 тоннаву 695 килограмро ташкил дод.
Ҳамчунин бо изҳори нигаронӣ аз афзоиш ёфтани мусодираи маводи нашъаовари гурӯҳи бангдона дар ин давра қайд гардид, ки мусодираи ин навъи маводи нашъаовар зиёда аз 1 тоннаву 380 кг-ро ташкил додааст, ки нисбат ба ҳамин давраи соли пешин 648 кг. 665 гр. ё ба андозаи 88,7 % зиёд аст.

Тибқи омори расмӣ то 1 июли соли 2021 дар ҷумҳурӣ 5003 нафар нашъаманд ба қайд гирифта шудааст, ки аз инҳо 109 нафараш зан мебошад. Ин нишондиҳанда нисбат ба ҳамин давраи соли гузашта 3,6% камтар аст. Имрӯз дар Тоҷикистон ба 100 ҳазор аҳолӣ 54 нашъаманд рост меояд, ки нисбат ба дигар давлатҳо нишондиҳандаи хеле паст мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Октябр 2021 c.