ҶОМЕА
Шанбе 17 Январ 2026 10:27
Мусобиқаи сайри ҷаҳонии ҷудо Tokyo Grand Slam 2025, ки рӯзҳои 6-7 декабр дар шаҳри Токиои Ҷопон баргузор шуд, имсол барои паҳлавонони тоҷик бе медал хатм гардид. Бо вуҷуди ин, варзишгари мо Обид Ҷебов тавонист бо натиҷаи назаррас (мақоми панҷум) бозиро ҷамъбаст кунад.
Дар мусобиқа, ки 303 ҷудокор (169 мард ва 134 зан) аз 41 кишвари дунё ширкат дошт, Тоҷикистонро шаш варзишгар намояндагӣ кард: Обид Ҷебов ва Мусаниф Миробов дар вазни -66 кг, Сомон Маҳмадбеков ва Беҳрӯз Хоҷазода дар -81 кг, Мизробшо Лоиқов дар -90 кг ва Муҳсин Малаев дар -100 кг.
Аз ҳамаи онҳо беҳтарин натиҷаро Обид Ҷебов ба даст овард. Ӯ дар даври аввал озод буд ва дар даври дуюм бар Герман Кобетс аз Русия пирӯз гардид. Дар даври чорякниҳоӣ Обид аз ҷудокори ҷавони ҷопонӣ Шинсеи Ҳатторӣ шикаст хӯрд, аммо дар даври тасаллобахш Даикии Боубаи фаронсавиро мағлуб кард. Ин пирӯзӣ ӯро ба сабқат барои медали биринҷӣ бурд, вале дар мубориза бо қаҳрамони феълии ҷаҳон Такеши Такеока имконият аз даст рафт ва варзишгари тоҷик мақоми панҷумро соҳиб шуд. Мавриди зикр аст, ки маҳз Обид соли гузашта медали ягонаи Тоҷикистонро дар Tokyo Grand Slam 2024 ба даст оварда буд.
Беҳрӯз Хоҷазода дар вазни -81 кг мусобиқаро бо пирӯзӣ оғоз кард. Ӯ бар Ҷангарай Нергуи аз Муғулистон дастболо шуд. Аммо дар даври 1/8-ниҳоӣ аз Маттиас Кассе аз Белгия шикаст хӯрд ва аз идомаи мубориза бенасиб монд.
Чаҳор ҷудокори дигар Мусаниф Миробов, Сомон Маҳмадбеков, Мизробшо Лоиқов ва Муҳсин Малаев дар даври аввал аз рақибонашон шикаст хӯрданд ва имкони идомаи рақобатро аз даст доданд.
Дар ҷамъбасти мусобиқа, ҷудокорони Ҷопон бо 37 медал (11 тило, 11 нуқра, 15 биринҷӣ) мақоми аввалро касб карданд. Русия бо 5 медал дар ҷойи дуюм ва Кореяи Ҷанубӣ бо 3 медал дар зинаи сеюм қарор гирифт. Тоҷикистон бо як натиҷаи баланд ҷойи панҷуми Обид Ҷебов дар раддабандӣ мақоми 15-умро ишғол намуд.
Барои ғолибону ҷоизадорони мусобиқа мукофотпулии умумӣ ба маблағи 154 ҳазор евро ҷудо шуда буд. Ба ғолибон 5000 евро, ба ҷойи дуюм 3000 евро ва ба ҷойҳои сеюм 1500 евро дода шуд. Ҳамчунин варзишгарон имтиёзҳои муҳими рейтингӣ гирифтанд: барои ҷойи аввал 1000, дуюм 700 ва сеюм 500 имтиёз.
Дар мусобиқа, ки 303 ҷудокор (169 мард ва 134 зан) аз 41 кишвари дунё ширкат дошт, Тоҷикистонро шаш варзишгар намояндагӣ кард: Обид Ҷебов ва Мусаниф Миробов дар вазни -66 кг, Сомон Маҳмадбеков ва Беҳрӯз Хоҷазода дар -81 кг, Мизробшо Лоиқов дар -90 кг ва Муҳсин Малаев дар -100 кг.
Аз ҳамаи онҳо беҳтарин натиҷаро Обид Ҷебов ба даст овард. Ӯ дар даври аввал озод буд ва дар даври дуюм бар Герман Кобетс аз Русия пирӯз гардид. Дар даври чорякниҳоӣ Обид аз ҷудокори ҷавони ҷопонӣ Шинсеи Ҳатторӣ шикаст хӯрд, аммо дар даври тасаллобахш Даикии Боубаи фаронсавиро мағлуб кард. Ин пирӯзӣ ӯро ба сабқат барои медали биринҷӣ бурд, вале дар мубориза бо қаҳрамони феълии ҷаҳон Такеши Такеока имконият аз даст рафт ва варзишгари тоҷик мақоми панҷумро соҳиб шуд. Мавриди зикр аст, ки маҳз Обид соли гузашта медали ягонаи Тоҷикистонро дар Tokyo Grand Slam 2024 ба даст оварда буд.
Беҳрӯз Хоҷазода дар вазни -81 кг мусобиқаро бо пирӯзӣ оғоз кард. Ӯ бар Ҷангарай Нергуи аз Муғулистон дастболо шуд. Аммо дар даври 1/8-ниҳоӣ аз Маттиас Кассе аз Белгия шикаст хӯрд ва аз идомаи мубориза бенасиб монд.
Чаҳор ҷудокори дигар Мусаниф Миробов, Сомон Маҳмадбеков, Мизробшо Лоиқов ва Муҳсин Малаев дар даври аввал аз рақибонашон шикаст хӯрданд ва имкони идомаи рақобатро аз даст доданд.
Дар ҷамъбасти мусобиқа, ҷудокорони Ҷопон бо 37 медал (11 тило, 11 нуқра, 15 биринҷӣ) мақоми аввалро касб карданд. Русия бо 5 медал дар ҷойи дуюм ва Кореяи Ҷанубӣ бо 3 медал дар зинаи сеюм қарор гирифт. Тоҷикистон бо як натиҷаи баланд ҷойи панҷуми Обид Ҷебов дар раддабандӣ мақоми 15-умро ишғол намуд.
Барои ғолибону ҷоизадорони мусобиқа мукофотпулии умумӣ ба маблағи 154 ҳазор евро ҷудо шуда буд. Ба ғолибон 5000 евро, ба ҷойи дуюм 3000 евро ва ба ҷойҳои сеюм 1500 евро дода шуд. Ҳамчунин варзишгарон имтиёзҳои муҳими рейтингӣ гирифтанд: барои ҷойи аввал 1000, дуюм 700 ва сеюм 500 имтиёз.
Хабарҳои дигар
Рӯзнома
Эзоҳи худро нависед