Дар шаҳри Хоруғи Вилояти Мухтори Мухтори Бадахшон даври вилоятии озмуни ҷумҳуриявии “Илм - фурӯғи маърифат” бо иштироки Сураҷ Чоршанбезода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Нилуфар Асламшоева, муовини раиси вилоят намояндагон аз дигар вазорату идораҳо, иштирокчиёни озмун ва ҷавонони фаъоли шаҳр оғоз гардид.

Сураҷ Чоршанбезода ҳамаи иштирокчиёни озмунро, ки дар давраҳои пешин донишу маҳорати баланд нишон доданд, шодбош гуфта, барои сазовор гаштан ба ҷойҳои намунавӣ муваффақият таманно намуд.

Ёдовар мешавем, ки соли сеюм аст, ки дар кишвар бо мақсади рушду тафаккури техникӣ, васеъ намудани ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкориву навоварӣ, пайвасти илм бо истеҳсолот, ҷалби бештари донишҷӯён ба омӯзиши фанҳои риёзӣ, дақиқ ва табиӣ, ҳамчунин дарёфти истеъдодҳои нав дар ин самтҳо байни донишҷӯён, магистрон, аспирантон, докторантон аз рӯи ихтисос (PhD), унвонҷӯён ва омӯзгорон озмуни ҷумхуриявии “Илм – фурӯғи маърифат” баргузор карда мешавад.

Наҷиба МУРОДБЕКОВА, “ҶТ”