Мусобиқаи варзишӣ аз намуди волейбол байни бонувон барои дарёфти "Ҷоми Раиси ВМКБ" тули як моҳ дар сатҳи деҳа, ҷамоат, ноҳия доир гардида, беҳтарин дастаҳо ба даврҳои нимниҳоӣ ва ниҳоӣ роҳ ёфтанд.

Ёдовар бояд шуд, ки сабқати мазкур аз 17 феврали соли равон бо ташаббуси Мақомоти иҷроияи ҳокимияти давлатии Вилояти Мухтори Кӯҳистони Бадахшон бахшида ба "Рӯзи Модар" роҳандозӣ гардида, дар он 21 даста бо ҳам рақобат намуданд.

Дар даври ниҳоии мусобиқа, ки имрӯз дар Маҷмааи варзишии шаҳри Хоруғ доир шуд, тими "Хоруғ 1" бар тими "Роштқалъа 1" бо ҳисоби 3:0 дастболо гардида, соҳиби "Ҷоми Раиси ВМКБ" гардид.

Дастаи "Хоруғ 2" бошад, дар мақоми сеюм қарор гирифт.

Дар маросими ҷамъбастии мусобиқа раиси Вилояти Мухтори Кӯҳистони Бадахшон, ҳамзамон раиси Федератсияи волейболи вилоят ғолибонро табрик гуфта, зикр кард, ки соли 2025 барои соҳаи варзиши вилоят аз ҳама ҷиҳат бобарор ва хотирмон гузашт, зеро, ки тамоми чорабиниҳои варзишӣ дар сатҳи зарурӣ баргузор гардиданд.

Сипас, дар вазъияти тантанавӣ ғолибон бо медал, ифтихорнома ва мукофотпулӣ қадр карда шуданд. Инчунин дигар дастаҳо ва беҳтарин ҳамлагарону бозингарон бо ифтихорнома ва сипоснома сарфароз гардиданд.

С. ҶАНОБИЛШОЕВ, “ҶТ”