Имрӯз дар доираи нақша - чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Зулфиқор Гулаҳмадзода, раиси Кумита бо омӯзгорону донишҷӯёни ДТҶТ ба номи Сайидмӯъмин Раҳимов вохӯрӣ кард.

Дар ин бора аз маркази таҳлил ва иттилооти Кумита хабар доданд.

Бино ба иттилои манбаъ Зулфиқор Гулаҳмадзода ҳамроҳ бо намояндаи Дастгоҳи иҷроияи Президенти Ҷумҳурии Тоҷикистон бо шароити таълим ва намоиши дастовардҳои варзишӣ дар ин муассиса шинос шуда, сипас дар толори Донишкада бо донишҷӯёну устодон мулоқот кардааст.

Гуфта мешавад, ки дар чорабинии тантанавӣ аз ҷониби намояндаи Дастгоҳи иҷроияи Президенти Ҷумҳурии Тоҷикистон ба ду нафар омӯзгорони соҳибтаҷрибаи соҳа мукофотҳои давлатӣ супорида шуд. Ҳамзамон чанде аз омӯзгорони фаъоли Донишкада бо Сипосномаи Кумитаи кор бо ҷавонон ва варзиши назди Ҳукумати Тоҷикистон қадршиносӣ гардиданд.

Наҷиба МУРОДБЕКОВА, “ҶТ”