ВАРЗИШ
Панҷшанбе 06 Август 2020 08:49
6595
Дар “Кохи Истиқлол” - и отряди сарҳадии шаҳри Хоруғ ба муносибати Рӯзи Президенти Ҷумҳурии Тоҷикистон бо ширкати 1 000 нафар ҳайатии шахсии сарбозону афсарони қисмҳои низомӣ дар ВМКБ озмуни "Суруди сарбоз" баргузор шуд.

Озмунро муовини раиси вилоят Назира Амирбекзода кушода, ҳозиринро ба муносибати рӯзи ид самимона табрик кард ва барои ҳайати шахсӣ дар иҷрои вазифаи муқаддасу пуршараф - ҳифзи Ватан, ҳимояи манфиатҳои давлат, таҳкими дастовардҳои истиқлолият ва мустаҳкам намудани иқтидори мудофиавии мамлакат барору комёбиҳо орзу намуд.

Қайд гашт, ки Қувваҳои мусаллаҳи кишвар зодаи даврони соҳибистиқлолӣ буда, яке аз дастовардҳои мудофиавии давлату миллат маҳсуб меёбанд. Воқеан кӯшиши ҳамлаи гурӯҳҳои иғвогару террористӣ замоне аҳёнан мушоҳида мешавад, вале бо шарофати далериву шуҷоат ва фидокориву ҷоннисориҳои хизматчиёни ҳарбӣ амнияти сартосарии кишвар таъмин буда, сулҳу ваҳдат беш аз пеш пойдор аст.

Маҳз бо ташаббусу ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон Артиши миллии кишвар давра ба давра рушду тақвият ёфта, метавонад ба ҳар таҳдиду ҳамлаи душман ҷавоби сазовор диҳад.

Бояд гуфт, ки дар озмун сарбозони отряди болозикр Мирзо Абдуллоев ва Фирӯз Зайниддинов зинаҳои якуму дуюмро ишғол карда, ҷойи сеюм бошад насиби Розиқ Холиқов шуд.

Ғолибон бо диплому сипоснома ва туҳфаҳои хотиравии Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарафароз гаштанд.

Ба иттилои Сураҷ Чорашанбиев, сардори Раёсати кор бо ҷавонон ва варзиши вилоят чунин чорабиниҳо бо ибтикори раёсат дар дигар қисмҳои низомии вилоят низ доир карда мешаванд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.