ВАРЗИШ
Чоршанбе 22 Август 2018 04:53
821
Имрӯз, 21 апрел, дар Кумитаи миллии олимпии мамлакат ба паҳлавони маъруф Комроншоҳи Устопириён, ки ба олимпиадаи Рио-де-Жанейро роҳхат ба даст овард, 10 000 сомонӣ ҷоизаи пулӣ супориданд. Комроншоҳ, инчунин, бар асоси меъёрҳои талаботи Ҷоизаи Президенти кишвар ба ғолибон ва ҷоизадорони мусобиқаҳои байналмилалии варзишӣ барои медали тиллои чемпионати Осиё 75 ҳазор сомонӣ мукофот хоҳад гирифт.

Дар маросими супурдани ҷоизаи молӣ ба паҳлавони тоҷик Баҳрулло Раҷабалиев, дабири кулли Кумитаи миллии олимпӣ, гуфт, ки Комроншоҳи Устопириён аввалин намояндаи Тоҷикистон аст, ки дар таърихи ҷудои тоҷик ба унвони қаҳрамони Осиё соҳиб гашт.

Нурулло Лоиқов, раиси Федератсияи ҷудои Тоҷикистон, иброз дошт, дар баробари Комроншоҳ мо боз як-ду роҳхати олимпии дигарро аз гуштигирон чашмдорем.

Комроншоҳ дар шаҳри Маскав ҳамроҳи мураббиаш Владимир Елчанинов ба Гран-прии ҷудо, ки 15 май дар шаҳри Алмаатои Қазоқистон баргузор мешавад, омодагӣ мебинад. Ин охирин мусобиқа пеш аз Олимпиадаи Рио-де-Жанейро хоҳад буд. Ӯ баъдан дар машқҳои дастаҷамъии Мински Беларус ва Барселонаи Испания иштирок мекунад. 20 рӯз пеш аз Олимпиада дар Аргентина, ҳамсоякишвари Бразил давраи охирини омодагӣ ба Бозиҳои олимпиро мегузарад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Август 2018 c.