ВАРЗИШ
Сешанбе 25 Апрел 2017 07:48
407

- Соли 2015 дар самти ҷавонон, варзиш ва сайёҳӣ чорабиниҳои зиёд доир намудем. Мақсади асосии чорабинӣ расидан ба ҳадафи асосӣ буд: аз нигоҳи варзишӣ такмил додани маҳорати варзишӣ, иштирок дар мусобиқаҳои байналмилалӣ ва омода кардани варзишгарон; тавсия бахшидани имконият ва захираҳои туристӣ; баланд бардоштани маърифати ҷавонон, тавсия бахшидани ҳамкориашон бо дигар ҷавонони маҳал ва дар баробари ин огоҳ будани ҷавонон аз хатар, таҳдид ва оқибатҳои ногувори ҷараёнҳое, ки имрӯз дар ҷомеаи байналмилалӣ гузашта истодаанд, - иброз дошт Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати ҷумҳурӣ, 14 январ зимни нишасти матбуотӣ.

Раиси Кумитаи ҷавонон, варзиш ва сайёҳӣ соли сипаришударо соли бобарор хонда, қайд намуд, ки давоми сол аз тарафи кумита беш аз 4256 чорабинӣ доир карда шуда (нисбат ба соли 2014 40,3 дар сад зиёд), дар онҳо 1 062 227 нафар ҷавон фаро гирифта шуданд (нисбат ба соли 2014 278 572 нафар зиёд).

Зикр гардид, ки дар давраи ҳисоботӣ 293 варзишгари ҷумҳурӣ ба 60 чорабинии сатҳи байналмилалӣ сафарбар гардида, ба хазинаи варзиши ҷумҳурӣ 629 медал, аз ҷумла 223 тилло, 178 нуқра ва 228 биринҷӣ ворид намуданд.

Ба иттилои роҳбарияти ин ниҳод соли 2015 аз Тоҷикистон 413 ҳазору 834 сайёҳи хориҷӣ боздид кардаанд, ки нисбат ба соли гузашта як баробар зиёд аст. Сайёҳон асосан аз кишварҳои Русия, Чин, Эрон, Қазоқистон, Қирғизистон, ИМА, Туркия, Ӯзбекистон, Олмон ба Тоҷикистон омадаанд. Аз ҳисоби сайёҳони хориҷӣ ба иқтисодиёти кишвар 206 миллиону 917 ҳазор доллари амрикоӣ фоида расидааст, ки нисбат ба соли гузашта 94% бештар аст.

Аҳтам Абдуллозода қайд намуд, ки дар ҷумҳурӣ 111 мактаби варзишӣ фаъолият дошта, шумораи машқварзон 40 ҳазору 333 нафарро ташкил медиҳад. Соли 2015 дар сексияҳои варзишӣ ва гурӯҳҳои солимгардонӣ 612 115 нафар фаро гирифта шуданд, ки нисбат ба соли 2014 106 ҳазору 991 кас зиёд мебошад. Илова бар ин, дар ҷумҳурӣ ба ҳолати 1 декабри соли 2015 8409 иншооти варзишӣ мавҷуд буда, аз ин 111 варзишгоҳ, 6130 майдончаи варзишӣ, 1585 толори варзишӣ, 83 ҳавзи шиноварӣ ва 718 иншооти махсуси варзишӣ аз қабили тир, боулинг, фитнес ва клубҳои ихтиёрӣ амал менамоянд.

Эзоҳи худро нависед



Рамзҳо дар расм