ВАРЗИШ
Душанбе 06 Июл 2020 11:07
3563
Имрӯз, дар меҳмонхонаи “Ҳайат Реҷенси”-и шаҳри Душанбе бо ширкати сармураббиёни тимҳои мунтахаби Тоҷикистон ва Непал, нишасти матбуотии пеш аз бозиҳои интихобии даври чоруми Ҷоми Осиё-2019 баргузор гардид.

Ҳаким Фузайлов, сармураббии тими мунтахаби Тоҷикистон оид ба футбол, бозии фардоро барои дастааш яке аз рақобатҳои ҳалталаб ҳисобида, иброз намуд:“Бозии аввалро бо ин даста дар меҳмонӣ бо ғалаба анҷом додем. Бозии дастаи ҳарифро хуб омӯхтем, дар умум дастаи пурқувват аст. Дар бозиҳои аввал ҳайати тими мунтахаб нопурра буд, оҳиста- оҳиста мо ин хатогиҳоро бартараф намудем ва умед аст дастаи якачин дар бозиҳои минбаъда натиҷаҳои назаррас нишон медиҳад. Баъди се рақобат дар гурӯҳ мо бо 3 хол дар ҷойи сеюм қарор дорем ва имкони роҳхат гирифтан ба бозиҳои финалии Ҷоми Осиё-2019-ро мо аз даст надодаем. Мухлисонро барои дастгирии тими мунтахаби Тоҷикистон даъват мекунам”.

Сармураббии дастаи Непал коршиноси ҷопонӣ Кодзи Кёдоку тими Тоҷикистонро яке аз дастаҳои фаварити гурӯҳ номид: “ Бозии навбати муқобили Тоҷикистон бисёр душвор мегузарад ва мо барои ғалаба ба майдон мебароем. Бисёр таассуфовар аст, ки дар даври сеюм дар майдони худ шикаст хӯрдем ва мехоҳем фардо инро ҷуброн намуда, рақибро дар хонааш шикаст диҳем”.

Маврид ба зикр аст, ки шоми 10-уми октябр бозии даври чоруми марҳилаи интихобии Ҷоми Осиё-2019 дар гурӯҳи “F” байни дастаҳои мунтахаби Тоҷикистон ва Непал, соати 18:00 дар Варзишгоҳи марказии Ҳисор доир мегардад.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.