ВАРЗИШ
Шанбе 20 Июл 2024 02:15
10405
Арман Сарукян, ки дар раддабандии №1-и вазни сабуки UFC қарор дорад, бар ин назар аст, ки вай дар Русия назар ба қаҳрамони феълии вазни сабук Ислом Махачёв (26-1) мухлисони зиёд дорад.

“Ман фикр мекунам, ки дар Русия ман мухлисони бештар аз Махачёв дорам. Дар Русия бисёриҳо Исломро барои он дӯст намедоранд, ки ӯ аз Доғистон ҳасту боре ҳам парчами Русияро бардошта вориди ринг нашудааст. Дар Амрико ҳам Исломро дӯст намедоранд, зеро рақиби шикастнопазири размандагони амрикоист”, - гуфтааст Арман Сарукян ба портали “Outside MMA”.

Бояд гуфт, ки Махачёв дар охирин набарди худ дар мусобиқаи UFC 302 дар даври панҷум бар Дастин Порье (30-9) бо усули буғӣ кардан, ғалаба намуд. Мубориза рӯзи 1 июн дар “Пруденсиал Сентр” дар Ню Ҷерсии ИМА баргузор шуда буд.

Сарукян бошад, 13-уми апрел Чарлз Оливейраро (33-10) бо қарори доварон (28-29, 29-28, 29-28) мағлуб карда буд.

Эзоҳи худро нависед



Рамзҳо дар расм