ВАРЗИШ
Панҷшанбе 18 Июл 2019 02:03
6183
Дар ноҳияи Ҷалолиддини Балхӣ чорабинии омӯзишии “Нақши ҷамоат дар рушди мақомоти сабти асноди ҳолати шаҳрвандӣ” баргузор гардид, ки дар он ҷавондухтарон аз занони рӯзгордида вобаста ба паҳлуҳои оиладорӣ сабақи рӯзгор гирифтанд.

Тадбири мазкур дар доираи баргузории чорабинииҳои шуъбаи Раёсати сабти асноди ҳолати шаҳрвандии вилояти Хатлон бахшида ба солҳои рушди деҳот, сайёҳӣ ва ҳунарҳои мардумӣ роҳандозӣ карда шуда, ҳадафи асосии онро масъулон дар баланд бардоштани сатҳи масъулиятшиносии котибону коргузорони ҷамоатҳои шаҳраку деҳот дар рушди мақомоти сабти асноди ҳолати шаҳрвандӣ, одоби муошират, беҳтар намудани худидоракунӣ, таҳкими мустақилият ва ороиши ҳуҷраҳои корӣ ҳамзамон ҳимояи ҳуқуқ ва уҳдадориҳои шаҳрвандон маънидод карданд.

Аз рӯйи низомномаи чорабинӣ якчанд озмунҳо аз қабили ба таври тантанавӣ гузаронидани маросими ақди никоҳи навхонадорон, супоридани шаҳодатномаҳои таваллуди кӯдакони навзод ва пешниҳоди намунаи миллии сару либоси арӯсӣ аз ҷониби кормандони масъули бахши марбутаи ҷамоатҳои шаҳраку деҳоти нохия ва ҷавондухтарон пешниҳод карда шуд.

Дар маҳфил занони рӯзгордида ширкат намуда аз ҳайёту рӯзгори худ барои оилаҳои навбунёд ва ҷавондухтарон қиссаҳо кардаанд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Июл 2019 c.