28-29 сентябр дар шаҳри Душанбе мусобиқаи кушоди ҷумҳуриявӣ оид ба намуди гӯштини дзюдо барои дарёфти ҷоизаҳои Устоди шоистаи варзиши Тоҷикистон, ҷоизадори Бозиҳои олимпӣ Расул Боқиев доир шуд. Дар ин бора АМИТ “Ховар” бо такя ба гуфтаи сардовари мусобиқа Суҳроб Раҳимов иттилоъ медиҳад.

Мусобиқа тибқи қоидаҳои Федератсияи байналмилалии дзюдо аз рӯи 7 вазн миёни мардон сурат гирифта, дар он 92 варзишгар аз ҳамаи минтақаҳои кишвар миёни ҳам рақобат карданд.
Доварон аз рӯи натиҷаҳои бадастоварда ғолибон ва ҷоизадоронро ба таври зайл муайн карданд:

Вазни -60кг
1. Муҳаммадсолеҳ Қувватов, (Душанбе-2)
2. Акбар Хоҷаев, (Хатлон-1)
3. Муҳаммадризо Қувватов, (Душанбе-1)
3. Сомон Аламов,(Хатлон-1)

Вазни -66кг
1. Абубакр Боқиев (Хатлон-1)
2. Фаррух Ҳалимов (Душанбе-2)
3. Муслимбек Каримов(Хатлон-1)
3. Фирӯз Мелбойзода (Хатлон-1)

Вазни -73кг
1. Наврӯз Каримов (Душанбе-2)
2. Алӣ Боқиев (Хатлон-1)
3. Бахтиёр Бозоров (Душанбе-1)
3. Муҳаммадиқбол Тошов (Душанбе-1)

Вазни -81кг
1. Умар Расулов (ШНТМ)
2. Сиёвуш Азизов (Хатлон-1)
3. Ҳайдар Сайкабирзода (Душанбе-2)
3. Муин Тағойзода (ШНТМ)

Вазни -90кг
1. Раҷабалӣ Муҳаммадиев (Хатлон-1)
2. Муҳсин Мулоев (Душанбе-2)
3. Сомон Кишваров (Душанбе-2)
3. Абдулло Абдуллоев (ШНТМ)

Вазни -100кг
1. Меҳроб Тағоймуродзода (Душанбе-2)
2. Саймуъмин Алиев(Хатлон-1)
3. Иброҳим Элмуродов (Душанбе-1)
3. Эмом Камолов (Душанбе-2)

Вазни +100кг
1. Озодбек Ҷӯраев (Душанбе-1)
2. Умед Камомолов (Душанбе-1)
3. Файзалӣ Яхчибоков(Душанбе-1)
3. Толибҷон Тоиров (Душанбе-1)

Ёдовар мешавем, ки паҳлавони шинохтаи тоҷик Расул Боқиев соли 2008 дар Бозиҳои олимпии Пекин дар вазни -73кг сазовори медали биринҷӣ шуд. Ӯ ҳамчунин медали биринҷии Чемпионати ҷаҳон (2007, Рио-де-Жанейрои Бразилия), медали биринҷии Бозиҳои Осиё (2010, Гуанжоуи Чин), медали нуқра ва ду медали биринҷии Чемпионати Осиёро ба даст оварда, се маротиба ғолиби Ҷоми ҷаҳон гардидааст.

Расул Боқиев бо Фармони Президенти Ҷумҳурии Тоҷикистон аз 2 сентябри соли 2008 бо мукофоти давлатӣ — Ордени Шараф дараҷаи I қадрдонӣ гардидааст.