Дар доираи баргузории чорабиниҳои ҷашнӣ ба муносибати Рӯзи ҷавонони Тоҷикистон ва Рӯзи ҷаҳонии футбол дар вилояти Хатлон мусобиқаи ҷумҳуриявии ҷудо баргузор гардид.

Дар ин бора Раёсати кор бо ҷавонон ва варзиши вилоят хабар медиҳад.

Ба иттилои манбаъ, мусобиқаи мазкур бо ташаббуси Федератсияи гӯштини ҷудои Тоҷикистон дар ҳамкорӣ бо Мақомоти иҷроияи ҳокимияти давлатии вилояти Хатлон, Раёсати кор бо ҷавонон ва варзиши вилояти Хатлон ва Мақомоти иҷроияи ҳокимияти давлатии шаҳри Бохтар роҳандозӣ гардидааст.

Гуфта мешавад, ки дар маросими ифтитоҳи чорабинӣ намояндагони Раёсати кор бо ҷавонон ва варзиши вилояти Хатлон, Бахши кор бо ҷавонон ва варзиши шаҳри Бохтар ва Федератсияи ҷудо ширкат намуда, варзишгаронро барои иштироки фаъолона дар мусобиқа руҳия бахшиданд.

Зикр мегардад, ки ғолибону беҳтаринҳои мусобиқа бо медал ва диплом қадрдонӣ гардиданд.

Фарзонаи УМАРАЛӢ, “ҶТ”