Дар маҷлисгоҳи шуъбаи Раёсати асноди ҳолати шаҳрвандӣ дар вилояти Суғд нишасти матбуотии Раёсати кор бо ҷавонон ва варзиши вилояти Суғд бо иштироки васеи кормандони васоити ахбори омма баргузор гардид.

Мирзоқосим Каримов, сардори Раёсати кор бо ҷавонон ва варзиши вилояти Суғд, зимни нишаст зикр намуд, ки дар қаламрави вилоят 2600 чорабиниҳои оммавӣ аз қабили аксияву ҳамоишҳо бо иштироки 463 ҳазору 859 нафар ҷавонону наврасон бо шукӯҳу шаҳомати хоса ташкил ва баргузор карда шуд.

Таъкид гардид, ки дар шашмоҳаи аввали соли 2018 30 иншоотҳои варзишии нав, 4 толори варзишӣ, 25 майдончаи варзишӣ, 1 маҷмааи варзишӣ дар вилоят мавриди истифода қарор гирифта, варзишгарони вилоят дар сатҳи байналмилалӣ 14 медали тилло, 10 нуқра ва 15 биринҷӣ ба даст овардаанд.