Варзишгарони Тоҷикистон дар Бозиҳои варзишии кишварҳои БРИКС – 2024, ки дар шаҳри Қазони Ҷумҳурии Тотористони Федератсияи Россия баргузор гардид, дар риштаи варзиши гӯштини камарбандӣ, тарзи озод ва классикӣ 9 медал ба даст оварданд.

Дар ин бора аз маркази таҳлил ва иттилооти Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон доданд.

Варзишгароне, ки соҳиби медалҳо гаштаанд инҳоянд:

Саломов Абдусалом дар вазни + 100 кг;
Одилҷон Сафаров дар вазни + 100 кг;
Аҳмадзода Масъуд дар вазни 73 кг;
Бурҳонов Маликазиз дар вазни 57 кг;
Қурбонов Кароматулло дар вазни 62 кг;
Зиёев Фирӯз дар вазни 62 кг;
Ашурзода Абуэҳсон вазни 82 кг;
Муъминзода Оқсақол дар вазни 82 кг;
Эргашев Аскар дар вазни 100 кг.

Ёдовар мешавем, ки Бозиҳои варзишии кишварҳои БРИКС – 2024 аз 12 то 23 июн дар шаҳри Қазони Ҷумҳурии Тотористони Федератсияи Русия баргузор гардида, дар он аз Тоҷикистон 110 варзишгар иштирок намуд.

Бозиҳои варзишӣ нахустин маротиба дар қолаби нав доир гардида, зимни он дар баробари варзишгарони кишварҳои БРИКС, инчунин варзишгарони якчанд давлатҳое, ки аз ҷониби мизбони ин мусобиқаи сатҳи баланд даъват шудаанд, қувваозмоӣ намуданд.

Ин бозиҳои варзишӣ 4000 варзишгарро аз 100 мамлакати олам ба ҳам овард.