10-12 феврал дар шаҳри Остонаи Қазоқистон Чемпионати Осиё оид ба варзиши сабук дар иншооти пӯшида бо иштироки беш аз 500 варзишгар аз 31 давлати қора баргузор гардид. Варзишгарони тоҷик дар ин чемпионат дар намуди эстафетаи 4х400 метр сазовори медали биринҷӣ шуданд. Ин аввалин медали варзишгарони тоҷик дар Чемпионати Осиё дар иншооти пӯшида мебошад.

Ҷумҳурии Тоҷикистонро дар ин чемпионат 7 варзишгар - Илдар Аҳмадиев, Фаворис Музрапов, Леонид Пронженко, Александр Пронженко, Муҳаммадризо Мирзозода, Мирсаид Мирзозода намояндагӣ кард.

Варзишгарони тоҷик дар мусобиқаҳои дав ба масофаҳои 60м, 400м, 800м, ҳафтҳарба ва эстафетаи 4х400м рақобат карда, танҳо дар эстафета ҷои сеюмро гирифтанд. Ба дастаи Тоҷикистон Леонид Пронженко, Александр Пронженко, Муҳаммадризо Мирзозода ва Мирсаид Мирзозода шомил буданд.

Дар масофаи 60м. Фаворис Музрапов дар даври интихобӣ дар гурӯҳи худ бо натиҷаи 6.81 сония сеюм шуд ва ба нимфинал роҳ ёфт. Фаворис бо ин натиҷа рекорди Тоҷикистонро дигар кард. Вале ӯ дар нимфинал натиҷаи 6.85-ро нишон дода, аз идомаи сабқат маҳрум шуд. Илдар Аҳмадиев бо сабаби лат бардоштан натавонист сабқат кунад.

Дар масофаи 400м низ бародарон Леонид ва Александ Пронженко то нимфинал рафтанд. Леонид инчунин дар ҳафтҳарба ва Муҳаммадризо Мирзозода дар дав ба масофаи 800м сабқат карданд.